Shia Link Nauhe: Mir Hasan Mir (2010)

Mojiza ek ye bhi hoga aapke aane ke baad
Dhoop ban jaegi saaya aapke aane ke baad

Aapke ke aane se pehle maut hai ye zindagi
zindagi khud hogi zinda aapke aane ke baad

Husn per Yusuf ke jab wo aaj tak hairaan hai
marr hi jaegi Zulekha aapke aane ke baad

Khud hi ho jaunga hazir aapke darbar me
mai na lunga istekhara aapke aane ke baad

Kaun rokega bhala tameer karne se hame
Fatima Zehra (sa) ka roza aapke aane ke baad

Kitni batein madhe Haider ki abhi seene me hai
mai jinhe zahir karunga aapke aane ke baad

Hum to kya hai aapke dushman se khud legi zameen
aapke jaane ka badla aapke aane ke baad

Wo NAMAZI wo NUSAIRI or wo hai MATAMI
khatm hoga bus ye jhagda aapke aane ke baad

Keh rahe hai jo tamasha Matam e Shabbir ko
khud banengey wo tamasha aapke aane ke baad

Aapka darbari shayar sab Takallum ko kahe
kaash mil jaye ye rutba aapke aane k baad

Aapke aane k baad..

yabnaz zahra yaa abbas..(2)

mai ain se hussain ka aashiq bhi ishq bhi
be se hu buturab ki mai hasrate bhi
zahir alif se hai abu talib ki aa gahi
aur seen se hasan ki samaj bujh sath bhi

abbas dekhne mei faqad mera naam hai
darasl yeh hussain ke lashkar ka naam hai

abbas naam hai mera..(3)

maanga hai rab se maalike kaunain ne mujhe
beta kaha hai maadar e hasnain ne mujhe

1. asma e panjetan ka asasa hai mera naam
alfaz hai tawaaf me kaaba hai mera naam
israar aur ramuz ki duniya hai mera naam
khud mustafa ki beti ne mera naam
bejaan nahi hai harf koi mere naam me
simti hui hai naade ali mere naam me

2. tauheed ko hai naaz khudae wafa hu mai
mushkil kusha ka laal hu mushkil kusha hu mai
barso jabeen e shere khuda me raha hu mai
dohraya jab ali ko khuda ne bana hu mai
khilqat mei meri dakhl nahi maao teen ko
tohfa hu mai batul ka ummul banin ko

3. qehre khuda ki bolti tasweer meri tegh
rooho pe maut karti hai tehreer meri tegh
tegho me misle aaya e tatheer meri tegh
toofaane nuh khwaab hai taabeer meri tegh
ismat ki pehredaar hai tatheer ki qasam
yeh choti zulfiqar hai shabbir ki qasam

4. talwar meri jaaegi ran me jidhar jidhar
baarish waha pe hogi saro ki sarar sarar
ashal k paav peesege tumko karar karar
dekhegi maut khud yeh nazaare tukar tukar
san san ki saut aisi sama'at me chaegi
dhad dhad girege dhad na sada tumko aaegi

5. mai chahta hu quwat e baazu pe jang ho
dekhu to tumko kitney bahadur ho shamiyo
manzur yeh nahi hai to khud faisla karo
dikhlau maujizat mai apne jo tum kaho
darya pe haath dhoge abhi tum hayaat se
apne saro ko kaatoge khud apne haath se

6. aise karunga waar sambhal ne na dunga mai
pehlu bhi tumko aaj badalne na dunga mai
talwaar kya zabaan bhi chalne na dunga mai
nazro ke daaere se nikalne na dunga mai
meri hai kaaenaat kaha bachke jaaoge
sunlo jaha chipogey waha mujhko paaoge

7. tumko ghamand fauj pe qasrat pe hai gurur
in baazuo ke zor ka tumko nahi shauur
pal me nikaal dungaa mai zehno ka har futoor
dozakh ka naam aaj se hoga yazidpur
hum kehke yaa ali jo abhi tegh uthaege
murde tumhaare zere kafan thar tharaaege

8. mashur hai yeh baat khuda ki khudaai me
maahir hai meri tegh safo ki safaai me
tum kya mai do jahaan dubo du taraai me
daste khuda ka zor hai meri kalaai me
chahu toh baithe baithe mai ash'al ki zeen par
lehra ke aasmaan ko ulat du zameen par

9. aalam tha tera saal me aisa jalaal ka
siffin me badal diya naksha jidaal ka
ab toh shabaab aaya hai mere kamaal ka
abbas aaj ho gaya battees(32) saal kaa..(2)
sun lo qaza ke ghaat utaaruga mai tumhe
ghera hai tumne gher ke maarungaa mai tumhe

10. dunya na samjhi mir takallum yeh falsafa
parcham hai surkh gumbade ibne batul ka
yaani ruki nahi hai abhi jange karbala
aur aa rahi hai roza e abbas se sada
rokega mujhko tab na nawaasa rasool ka
mehdi ke saath loonga mai badlaa batool ka

ali ali ali ali ali ali..(2)
ali ali..(2)

ali nahi to kuch nahi..(6)

ye keh gaya hai dosto..(2)
har ek nabi har ek wali
ali nahi to kuch nahi..(4)

1. Meri nigaah me to bus ye
khud khushi ka naam hai..(2)
baghair hubbe murtaza
hayaat bhi haraam hai..(2)
ali ka ishq hai agar..(2)
to zindagi hai zindagi
ali nahi to kuch nahi..(4)

2. Ghadeer e khum ki sar zamee pe
aayat o ka zor hai..(2)
mizaaj bezabaan ki
zabaa ka aaj aur hai..(2)
nabi ke saath saath hai..(2)
sada ye jibraeel ki
ali nahi to kuch nahi..(4)

3. Wilayat e ali me
harf harf khud wakeel hai..(2)
shikast e meer e shaam ki
ye mustanat zaleel hai..(2)
hasan ke sulha naame ki..(2)
yahi se ibteda hui
ali nahi to kuch nahi..(4)

4. Baghair zikr e murtaza
azaan jab bhi hoti hai..(2)
sada wo sunke meri
kefiyat ajab hi hoti hai..(2)
pukarti hai us ghadi..(2)
ye khud me meri bekhudi
ali nahi to kuch nahi..(4)

5. Tamaam shab ye soch kar
ajeeb uska haal hai..(2)
idhar ameer e shaam ka
udhar ali ka laal hai..(2)
qareeb e subha hurr ko ye..(2)
sada zameer e hurr ne di
ali nahi to kuch nahi..(4)

6. Batao hum ko dosto
likha hai ishq me kahi..(2)
ali ko maante hai aur
ali ki maante nahi..(2)
faqat zabaa se mat kahe..(2)
saboot de amal se bhi
ali nahi to kuch nahi..(4)

7. Samajh raha hai tu ali se
tune badla leliya..(2)
yazeed tu bhi dekh ab
apne baap ko bhi ye dikha..(2)
utha utha ke haath..(2)
tujhse keh rahe hai matami
ali nahi to kuch nahi..(4)

8. Kaha samajh me aaega
sabak bare faqeer ka..(2)
zahoor hoga meer
jab bhi aakhri ameer ka..(2)
uda uda ke sar..(2)
kahegi fir ye teghe haideri
ali nahi to kuch nahi..(4)
ali ali..(2)

Ae rabbe panjetan..(3)
meri tujhse hai ye dua

1. Parwardigar tu hi rahim o karim hai
quran keh raha hai ali o azeem hai
awaze qul se pehle hai itna qadeem hai
ae rabbe panjetan..(2)
wajib hai kaenaat pe har dam teri sanaa

2. Chaha jo tune khalq me pehchaan ho teri
tune banai 5 sitaro ki ek ladi
unki raza me teri raza hai chupi hui
ae rabbe panjetan..(2)
naraaz hum se ho na kabhi aale mustafa

3. Tanhaiyo ka teri raha hai jo hamsafar
wo mustafa jo baad tere sabse motabar
hai qarz jiska ajr e risalat jahan par
ae rabbe panjetan..(2)
har qarz karde ghaib se maqrooz ka ada

4. Tujhsa ali bhi kehta hai khaliq jise ali
ungli pakadke jiski shariat teri chali
raziq hai do jahaan ka waliyo ka hai wali
ae rabbe panjetan..(2)
sadqe me uske rizq me ho wus'ate ataa

5. Wo fatima hijab bhi noori mila jise
hasnain jaise jisne pisar paal kar diye
rehmat bani jo rehmate aalam ke waaste
ae rabbe panjetan..(2)
tute na momineen se rehmat ka silsila

6. Wo mustafa ka laal jo dee ko bacha gaya
tegho ko apne zor e qalam se hara gaya
amno amaa ka dars jaha ko padha gaya
ae rabbe panjetan..(2)
har samt uske sadqe me ho amn ki faza

7. Mabood wo husain jo mehboob hai tera
sar kaat kar bhi jiska na zalim jhuka saka
jisne zamee ko arsh e mo'alla bana diya
ae rabbe panjetan..(2)
dikhla de hum faqeer o ko roza husain ka
ae rabbe panjetan..(2)

8. Mushkil ko taal halle masaeb ko bhej de
hai jiske muntazir usi saheb ko bhej de
mushkil kusha ke akhri naeb ko bhej de
ae rabbe panjetan..(2)
hai sibt e jafar aur hasan ki ye ilteja

Ae rabbe panjetan..(3)
meri tujhse hai ye dua
Allah Allah Allah
Allah Allah Allah

Ae zamin e ahoo..(4)

ahoo ki tarah..(2)
har ghadi zamin hai mera tu
Ae zamin e ahoo..(4)

1. Bus isme ameeri o ghareebi ka nahi hai
tauheed ki manind mujhe iska yaqee hai
mash'had wahi jaata hai bulata hai jise tu
Ae zamin e ahoo..(4)

2. Wallah wo ek lamhe me yusuf ko bhula de
angusht ke badle me wo sar apna kata de
miljae zulekha..(2) ko agar aapki khushboo
Ae zamin e ahoo..(4)

3. Na sur ki samajh hai na kisi raag ki maula
sab hai teri dehleez ke zarro ka ye sadqa
kehte hai ye sab hai meri aawaaz me jadoo
Ae zamin e ahoo..(4)

4. Mai qabr me gar apna ta'arruf na karata
maddah hu tera mai agar ye na batata
hoti na kabhi khatm malaek ki manu tu
Ae zamin e ahoo..(4)

5. Wo sehne masiha hai ke hai sehen shifa ka
maine waha khud apni nigaho se hai dekha
zaer tera wa maut ko kar leta hai qaboo
Ae zamin e ahoo..(4)

6. Haq aapki midhat ka ada kaise karu mai
kis tarha bhala dusra qur'an likhu mai
aati nahi jab mujhko abhi theek se urdu
Ae zamin e ahoo..(4)

7. Mehsoos ye har baar mere dil ne kiya hai
maula tere darbaar ki taseer juda hai
hoti hai khushi aur kabhi aajate hai aasu
Ae zamin e ahoo..(4)

8. Khul jaega duniya pe tere meer ka rutba
ho jaega maloom ke banda hu mai kiska
aegi meri qabr se jis dum teri khushbu

Ae zamin e ahoo..(6)

Dam badam ali ali pukaar
har qadam ali ali pukaar
tere sune aangan me khilegi bahaar

1. Dar badar bhathakne ka kyun ye rog paala hai
sab ke sab bhikaari hain kon dene waala hai
un se maang oo'nton ki dede jo qataar

2. Paak hai lahu kis ka kis mein kya kharaabi hai
kon hai saqifaayi kon buturaabi hai
pal me sab ke chehro'n se hoga aashkaar

3. aal ki taraf gar tu ek qadam badhayega
das qadam zamaane se khud ko aage paayega
kyun ke ye nahi rakhte kisi ka udhaar

4. Ranj o gham ki raaho'n me bad hawaas betha hai
chal ali ki chokhat par kyun udaas betha hai
bas palak jhapakte hi hoga bedaa paar

5. Naam e faatahe khaibar gar tera vazifa hai
dur hogi har mushkil ye hamaara daava hai
khaali jaa nahi sakta tera koyi vaar

6. Chaahta hai gar tujhse Sayyada bhi raazi ho
khush ho khaaliq e akbar Mustafa bhi raazi ho
munkiraan e haidar pe karde beshumaar

7. Tujhko fatema zehra ki duaayein mil jaaye
khud teri ziyaarat ko ambiya chale aayein
karbala pahonch jaaye tu jo ek baar

8. Adl aur adaalat ka intezaam lene ko
karbala ka ay nayaab inteqaam lene ko
aane waala hai koyi leke zulfiqaar

Inhi se chali thi khuda ki khudai..(2)
Inhi par khudai ki had hogai hai

Do aalam me aale nabi he ke jin par
khuda aashnai ki had hogai hai

1. Kisi dam bhi sona nahi jisko bhata
use iska sona kucha aisa hai bhaya
mili iski marzi to sone ke badle
rizaye khuda leke jibreel aaya
nabi bhi bachaya..(2)
rizaye bhi leli
ali ki kamai ki had hogai hai

2. Khuda o Ali jante hai woh manzil
bulaya tha Ahmed ko rabne jaha par
Chala farsh se sue arsh e bari par
ruka qafela teesre aasmaa par
kaha phir nabi ne jibreel jao
tumhari rasaai ki had hogai hai.

3. Khuda ne banaya hai aale nabi ko
inho ne khuda ki khudai bachai
agar tum meri baat se muttafiq ho
to phir mujhko ye baat kehne do bhai
udhar kibriyai ki had hogai
idhar na khudai ki had hogai hai

4. Hum aale mohd ke shia hai logo
batana hai humko ye apne amal se
magar hum ye afsos se dekhte hai
khushi ki mahafil ho ya gham ke mauke
kahi beridai ki had hogai hai
kahi khud numayi ki had hogai hai

5. Ohad ki ladai ho ya jung e khaibar
har ek ko safai se kata hai tune,
teri dastaras me jo aaya hai usko
barabar ke hisso me baata hai tune
Aye teghe Ali tere qurbaan jau
ke tujh par safai ki had hogai hai

6. Wo kaaghaz ke maidaa me lafzo ka lashkar
na laashe gire aur na kaate gaye sar
Faqat chand satro ki tehreer likh kar
kalam se ladai ye jeete hai shabbar
Kaha dekh kar zulfiqar e Ali ne
hasan par ladai ki had hogai hai

Inhi se chali thi khuda ki khudai
Inhi par khudai ki had hogai hai

Suno suno suno suno.(4)

hai dosto ye chashme tasawwur ka waqea
ek din hua jo qambar o fizza ka saamna
dono ko ehle bait ki nisbat pe naaz tha
phir ye hua ke chhid gaya rutbo ka tazkera
is ghar ke naukro ke hai kya aabru suno
us dam hui thi dono me jo guftugu suno

suno suno, qambar aur fizza ki guftugu suno

1. Qambar ye bola sabse hai rutba mera juda
mashhoor do jaha me hu mai abd e mustafa
maula ne yu kiya meri qismat ka faisla
shayan e shaan martaba mujhko ataa hua
sad shukr mai ghulam e janabe ameer hu
shaho ko bheek deta hu aisa faqeer hu

2. Fizza ne di sada mere pucho na martabe
tey karti hu mai lamho me sadyo ke faasle
mashhoor do jahaan me hai mere waqea
hote hai arsh walo me bhi mere tazkere
bus ye sifat hi kaafi hai kaunain ke liye
mai rotiya pakati hu hasnain k liye

3. Qambar ye bola aaj suno mere mojizat
bus mai hi jaanta hu ghulami ki kul sifat
jis dam ali ke qadmo pe hote hai mere haath
mehsus mujhko hoti hai mutthi me kayenaat
thokar se meri noor ke chashme ubharte hai
shams o qamar bhi mere ishare pe chalte hai

4. Fizza ne daad deke kaha meri baat sun
kaisi hasi mili hai mujhe kayenaat sun
wo tere mojize the mere mojizaat sun
pohche hai kis maqam pe fizza ke haath sun
maine hasan husain ko inse uthaya hai
zainab ko mere haatho ne chalna sikhaya hai

5. Qambar ye bola sach hai mai koi nabi nahi
mere liye to koi shariyat bani nahi
mujhko koi kitaab khuda se mili nahi
par mere ikhteyaar me bhi kuch kami nahi
haider ki naukri ke sabab kaamyaab hu
mai chalti phirti ishq e ali ki kitaab hu

6. Fizza ye boli dekha hai ismat ka maine noor
khair un nisa ke faiz se hasil hai ye ghuroor
maryam se badhke bakhsha gaya hai mujhe sha'oor
mujhse rakha hai fatima zehra ne rijs door
khilqat se khaake khidmate binte rasool hu
sadqa hai ye batool ka mai bhi batool hu

7. Qambar ye bola maanne wala hu asl ka
qael hu dil se mai bhi bila fasl wasl ka
seekha hai ba ke nuqte se har nuqta aql ka
mujhko mila hai dars imamat se adl ka
saani nahi hai koi mera khaas o aam me
maula ne mera haath bataya hai kaam me

8. Fizza ye boli haan ye ali ka usool hai
yeh bhi to soch meri muddaris batool hai
jiske sabab shariyaton ka arz o tool hai
ehsaan kisi ka fatima ko kab qabool hai
binte nabi say main ne masawaat seekhi hay
Khud fatima ne chakki mere saath pisi hay

9. Akbar qalam ko rok le mushkil hai faisla
is dar ki naukri ka sharaf hai bohot bada
kitni fazeelaton ka hai manzar yeh martaba
yeh khadim e Ali hai woh zehra ki khadima
dono ki baat apni jaga lajawab hai
in ki koi misaal na un ka jawab hai

Ya fatima zehra..(4)

Sayyada, fatima, zehra o batool e azra..(2)

Rab ke hone ki..(2)
zamanat hai musalla tera
Sayyada, fatima, zehra o batool e azra..(2)

1. Koi tafseel se likhe jo teri azmat ko
kam se kam qur'aan ho..(2)
mukhtasir likhe to kausar hai qaseeda tera
Sayyada, fatima, zehra o batool e azra..(2)

2. Nisf eeman ki hoti hai muhafiz zawja
isse sabit ye hua..(2)
kulle eemaan ka eeman hai adha tera
Sayyada, fatima, zehra o batool e azra..(2)

3. Ab samajh aaya ke jibreek kyu aage na badhe
taake duniya samjhe..(2)
sarhad e sidra se aage hai ilaaqa tera
Sayyada, fatima, zehra o batool e azra..(2)

4. Tune dozakh se bachana hai gunehgaro ko
hum azadaro ko..(2)
naam Allah ne yu fatima rakha tera
Sayyada, fatima, zehra o batool e azra..(2)

5. Noor hai aaya e tatheer ka mafhoom hai wo
sach hai masoom hai wo..(2)
tune jab keh diya abbas hai beta tera
Sayyada, fatima, zehra o batool e azra..(2)

6. Teri fizza ko abhi tak nahi samjha koi
ae meri shahzadi..(2)
kese duniya ko samajh aaega rutba tera
Sayyada, fatima, zehra o batool e azra..(2)

7. Tab kahi jaake andhero me ujale utre
chaand, suraj chamke..(2)
jab utara gaya aflaak pe sadqa tera
Sayyada, fatima, zehra o batool e azra..(2)

8. Kya hai Allah ka kya hai tera maloom nahi
hai takallum ko yaqee..(2)
maslak e ishq me hota nahi mera tera
Sayyada, fatima, zehra o batool e azra..(2)

Ya fatima zehra..(4)

Tera naam hi aisa hai- MIR HASAN MIR 2010

Ali Ali Maula..(4)
Ali Ali Ali Ali..(4)
Ali ali ali

Kyu girta na sambhlega tera naam hi aisa hai..Ali Ali
Aye shahe najaf maula..(2)
Tera naam hi aisa hai...

1. Khushbu e wila aati hai har dil e momin se
Aur aag si lagti hai har dilme munafiq ke
Kyu aisa na ho maula
Tera naam hi aisa hai...