Shia Link Nauhe: Syed Raza Abbas Zaidi (2018)

Jaane kya haadsa hai hone ko
jee bohot chahta hai rone ko

Boli ye sughra aye baad e saba
baba ki kuch baatein suna
baba ki kuch baatein sunao, batein sunao

ghabra raha hai dil mera..(2)

baba ki kuch baatein suna
baba ki kuch baatein sunao, batein sunao
boli ye sughra...

1. Mai muntazir hu baba se kehna
sab haal mera jaake batana..(2)
boli ye sughra...
dua meri leja, tu jaake hawa
baba ki kuch baatein suna
baba ki kuch baatein sunao, batein sunao

2. Bus aye hawa tu akbar se kehna
marr jaungi to aaoge bhayya..(2)
boli ye sughra...
waada kiya tha, bhula kyu diya
baba ki kuch baatein suna
baba ki kuch baatein sunao, batein sunao
boli ye sughra...

3. Baba ki khushbu mujhko sungade
kis des mein hai itna bata de..(2)
boli ye sughra...
alam tune dekha, chacha ka bata
baba ki kuch baatein suna
baba ki kuch baatein sunao, batein sunao

4. Akbar ne shaadi jis dum rachayi
sach kehna usko mai yaad aayi?..(2)
boli ye sughra...
lagta tha kaisa, wo dulha bana
baba ki kuch baatein suna
baba ki kuch baatein sunao, batein sunao

5. Asghar ko mere tum pyaar karna
wo ghutniyo ab chalta to hoga..(2)
boli ye sughra...
balaein bhi lena, use choomna
baba ki kuch baatein suna
baba ki kuch baatein sunao, batein sunao

6. Sunkar sawar ye jaati hawa ne
dekha raza jo aansu chupake..(2)
boli ye sughra...
rona hai kaisa, chupati hai kya
baba ki kuch baatein suna
baba ki kuch baatein sunao, batein sunao

Boli ye sughra aye baad e saba
baba ki kuch baatein suna

Jis waqt aseero'n se milne
hind aayi kaneezo'n ko lekar
ye odhe hue thi sar pe rida
be parda thi bint e haider
hairaan nigaho'n se isne
jab dekha bibi zainab ko..(2)
naize se sada deta tha yeh
us waqt mere mazloom ka sar
tu zara pehchaan ise
hind ye zainab hai..(4)

1. Shaam ke logo ne jo patthar maare hai
kaise qarz utare hai..(2)
tazeem me uthe jiski ali
beti wo yehi hai zehra ki
ab khaak pe hai jo baithi hui
kufe me isi ki shahi thi

tu zaraa pehchaan ise
hind ye zainab hai..(2)

2. Daur madine ka wo tune dekha tha
iska ghazi zinda tha..(2)
ab kaisi fiza ye badli hai
majboor bahan pardesi hai
azaad kiya tha jisne tujhe
wo shehzadi ab qaidi hai

tu zaraa pehchaan ise
hind ye zainab hai..(2)

3. Iska adab is tarha ghar mein hota tha
naam koi na leta tha..(2)
par ispe hui ye kaisi jafa
khoo'n rone laga beta mera
karte hue jis dum mai noshi
hakim ne iska naam liya

tu zaraa pehchaan ise
hind ye zainab hai..(2)

4. Jis kuche se guzri teri shahzadi
ek sada ye aati thi..(2)
aate hai hakim ke qaidi
badla le aakar har shami
phir khoon mein doobi ye bibi
pehchan na paya isko koi

tu zaraa pehchaan ise
hind ye zainab hai..(2)

5. Laashe akbar ran se jab mai laaya tha
khaimo mein kohram hua..(2)
sehre ki jagah dekha laasha
bardasht na kar payi dukhiya
mehendi to nahi hai hatho mein
balo me lahu hai akbar ka

tu zaraa pehchaan ise
hind ye zainab hai..(2)

6. Kaise batau dukh jo isne paye hai
kitne durre khaye hai..(2)
kaato'n pe chali hai rote hue
payro'n me pade iske chaale
ab kaise milayegi nazre
chupti hai ye fizza ke piche

tu zaraa pehchaan ise
hind ye zainab hai..(2)

7. Pursa dene isko shami aate the
haath mein patthar laate the..(2)
dil zakhmi hua sar zakhmi hua
baaghi ka ise taana bhi mila
balo'n se banati hai parda
ye tujhse chupati hai chehra

tu zara pehchaan ise
hind ye zainab hai..(2)

8. Sheh ye takallum bole hind ye zainab hai
ha'n ye bibi zainab hai..(2)
tujhko bhi yaqee'n aajayega
jaldi se kaneezo se mangwa
tazeem ko iski uthega
qura'n rehel pe rakha hua

tu zaraa pehchaan ise
hind ye zainab hai..(4)

Haye akbar jawa'n, mera jawa'n haye akbar jawa'n..(2)
laash akbar ki mere saath uthao amma..(2)
aake maqtal mein mera haath batao amma..(2)
haath batao amma..
laash akbar ki mere saath uthao amma

1. Guthniyo chalta hua laash talak aa to gaya
uski khushbu se mai akbar ka pata paa to gaya
dil ki quwat magar is baar mujhe chahiye hai
quwat e haider e qarraar mujhe chahiye hai

aake maqtal mein mera haath batao amma
haath batao amma..
laash akbar ki mere saath uthao amma

2. Humne socha hi kaha'n tha ke ye dina ayega
ye mera laal mere saamne mar jayega
haal jo dil ka hai amma wo batau kaise
naujawani ko zaeefi mein uthau kaise

aake maqtal mein mera haath batao amma
haath batao amma..
laash akbar ki mere saath uthao amma

3. Haath ka zor gaya dil ki tawanayi gayi
hosla toot gaya aankh se beenyi gayi
tere shabbir ka ab dil na sambhal payega
dum mera saath mein akbar ke nikal jayega

aake maqtal mein mera haath batao amma
haath batao amma..
laash akbar ki mere saath uthao amma

4. Apni tanhayi ka kya haal batau tumko
zakhm e dil khol ke kis tarha dikhau tumko
aaj pehlu pe rakha haath utha le amma
laash ko mai, mujhe aap sambhale amma

aake maqtal mein mera haath batao amma
haath batao amma..
laash akbar ki mere saath uthao amma

5. Aap sirhane pe aajaye to kuch haath bate
yaa se khaime ka safar amma tere saath kate
amma akbar ke jo seene pe nazar padti hai
jaise ek aur sina dil mein mere gadhti hai

aake maqtal mein mera haath batao amma
haath batao amma..
laash akbar ki mere saath uthao amma

6. Haye sehre ki jagah khoon hai mathe pe saja
naiza zalim ka hai is chaand se seeene pe laga
dil ke armaan ko hai khaak mein milte dekha
ediya'n khaak pe hai isko ragadte dekha

aake maqtal mein mera haath batao amma
haath batao amma..
laash akbar ki mere saath uthao amma

7. Bhai abbas jo hota to madad ko aata
laasha akbar ka mere saath mein wo uthwata
is mere sher ka laasha jo mere haath mein hai
amma ab saath mei tum ho ya khuda saath mein hai

8. Hum likhe jaate hai aur sheh ka karam bolta hai
bil yaqee'n dil ki zubaa'n mera qalam bolta hai
saari duniya mein raza sahib e tauqeer hu mai
nauhakhwani mein sare hazrat e shabbir hu mai

aake maqtal mein mera haath batao amma
haath batao amma..
laash akbar ki mere saath uthao amma
saath uthao amma..(3)

Haye.
Haaye sham e ghareeba'n
haye zainab..
Haye zainab ne dekha wo manzar ke hua dil betaab
ek sawaar aaya idhar daalke chehre pa naqaab
badh ke zainab ne basad jao hasham tok diya
baazu pe tham ke haath usko wahi rok diya
boli ab lootne wale yaha'n kya payenge
dekhiye bachhe mere khauf se mar jayenge
yak ba yak noor ke khaane mein jo chehra dekha
ghum o andoh bhara sakht ka yaara na raha
cheekh ek maar ke wo baap ke qadmo pe giri
hosh jab aaya to ro ro ke baya'n karne lagi
sattar qadam ka fasla, bhai behen mein tha..(2)

zainab lipat ke baap se deti rahi sada
sattar qadam ka fasla, bhai behen mein tha..(2)

1. Zalim mere hussain ke seene pe tha sawaar
gin gin ke kar raha tha wo pyaase gale pe waar
hasta tha baar baar laee'n mere bayn par..(2)
khanjar chala raha tha meri simt dekh kar
aankho'n ke saamne mere bhai ka sar kata

2. Har waar par sadayein di zehra ke chayn ne
ghazi ko tera baar pukara hussain ne
jaane batool ko bhi bachane na aaoge..(2)
bhai hamari laash uthane na aaoge
bhai ki har sadaa pe tadapta tha bawafa

3. Kya kya na dekha aapki zainab ne baba jaa'n
khanjar rawa'n tha halq pe khoo'n halq se rawa'n
takti thi apna rukh mai chupaye rida ke saath..(2)
khanjar wo saaf karta tha sheh ki abaa ke saath
bhai tha mera khaak par be jaa'n pada hua

4. Bosa gahe rasool ko jab zibha kar chuka
zulfo se sar utha liya mere hussain ka
is baat par bhi zalimo ke dil nahi bhare..(2)
saydaniyo'n ki maut ke asbaab yu kiye
sar ko dar e khayam pe laakar gira diya

5. Seene mein uske, pehlu mein, aankho'n mein teer the
peshani par bhi teer the uske lage hue
baba najaf ki simt pukara hai aapko..(2)
us waqt yaad karte the hum dono baap ko
mai kya kahu ke kaise wo sajda adaa hua

6. Jee bhar ke teer jis ghadi barsa chuke laee'n
baalo se jism shaah ka zakhma chuke laee'n
talwaar aazmate the us tanha jaan par..(2)
zakhmo pe garm ret girate the aan kar
patthar wo marta raha patthar jise mila

7. Hote the zakhmi jis ghadi amma ki ungliya'n
rokar ye bayn karte the shabbir natawa'n
aye shimr mera sar jo tu chahe kaat le..(2)
amma ka haath mujhko gale se hatane de
lekin laeen shimr ka khanjar nahi ruka

8. Jaate hue bhi dil mein sakina ka tha khayaal
wada ye humse leke gaya tha tumhara laal
rakhiyo sambhal kar ye amanat hussain ki..(2)
marte samay kuch aisi thi halat hussain ki
bus baar baar haaye sakina pukarta

9. Akbar ajeeb sham e ghareeba'n ki thi ghadi
rokar ali se kehti thi zehra ki laadli
baba mai chaah kar bhi na us waqt mar saki..(2)
jis dum badan se rooh ki parwaaz dekhi thi
mai dekhti rahi mera bhai chala gaya

sattar qadam ka fasla, bhai behen mein tha
mai bhai bhai kehti thi laasha bahan bahan..(2)

Haye Zahra... Haye Mohsin... Haye Zahra...

Be 'aay e zambin- qutilat...

Hassan Hussain se pehle shahid-e kamsin hai...

Woh koi aur nahi, Sayyada ka Mohsin hai...

1. Hua shahid jo deewar-o dar ke beech aakar
Jise bachaane se zakhmi hai pehlu-e maadar
Udaas iske liye raat ghumzada din hai...
Woh koi aur nahi, Sayyada ka Mohsin hai...