Shaheed Sibte Jafar - 2012

Kare fauje khuda abbas ka parcham
Shuja’aane arab ka silsila abbas ka parcham

Waqare az mohammad hausla abbas ka parcham
Sikhata hai ita’at aur wafa abbas ka parcham

Siyahi deene haq ke aur aayate ilaahi hai
shabeehe zuljana ho taziya abbas ka parcham

Wo kya nemat hai jo iske tasadduk hum nahi paate
bataye kya tumhe deta hai kya abbas ka parcham

Mohafiz hai do aalam me azadarane sarwar ke
Reza e haq duae sayyada abbas ka parcham

Hai hamza jafar o haider ki yaadein isse wabasta
inhi hazraat ki meeraas tha abbas ka parcham

Lewail hamd ke manind misle daware zehra
khuda ka qurb karta hai ata abbas ka parcham

Jahane rang o bu me qabr me barzakh me mehshar me
sahara hai hamara aapka abbas ka parcham

Mera dawa hai tumse mushkile khud bachke niklegi
tasawwur me rakho subho masaa abbas ka parcham

Chhuda lete hai humko sibte jafar har musibat se
dua khake shifa farshe azaa abbas ka parcham

Yehi tha dashte ghurbat me, anise zainab o sarwar
sakina aur haram ka aasra abbas ka parcham

Rahegi chadare sar par bujhegi pyaas baccho ki
dilasa subh tak deta raha abbas ka parcham

Qamar tuti Husain ibne ali ki aas bacho ki
qareebe asr jab thanda hua abbas ka parcham

Lagae ab bhi seene se hai mashkeeza sakina ka
bohot ghamgee hai baade karbala abbas ka parcham

Majalis me julooso me azakhano me zindaa me
Sakina ko hai ab bhi dhundhta abbas ka parcham

Aise waiso se pyaar mat keejo..(2)
Ye khata baar baar mat keejo..(2)

Chhod deta hai saath mushkil me..(2)
Shaikh par inhesaar mat keejo..(2)

Hai nuseri bhi dushmane haider..(2)
Dosto me shumaar mat keejo..(2)

Jaan atki hai teri duniya me..(2)
Jaan par jaanesaar mat keejo..(2)

Gar hai ya laytani ka dawedaar..(2)
Waqt e nusrat faraar mat keejo..(2)

Jab pukare tujhe imaam e zamaa..(2)
Sar ko gardan pa baar mat keejo..(2)

Ho jo maqrooz aale at’har ke..(2)
Unse bilkul udhaar mat keejo..(2)

Ae muqassil ali ka behre madad..(2)
Qabr me intezaar mat keejo..(2)

Jisse naaraaz ho ali o batool..(2)
Wo rawish ikhteyaar mat keejo..(2)

Tang seene pa hai jo matam ke..(2)
Fisq se daaghdaar mat keejo..(2)

Mai hu mohtaaj ghair ka tere..(2)
Aisa parwardigaar mat keejo..(2)

Jo saza ho lahad me de lijo..(2)
Hashr me sharmsaar mat keejo..(2)

Wo jo bhaage ohod se ab unka..(2)
Ae habeeb aitbaar mat keejo..(2)

Juz ali baab e fath e khaibar me..(2)
Ghair ka intezaar mat keejo..(2)

Abre aayat kisi munafiq se..(2)
Sahibe zulfiqaar mat keejo..(2)

Majlise mehfile hai aine ishq..(2)
Ishq ko kaarobaar mat keejo..(2)

Sibte jafar hai tere darr ka gada..(2)
Dar bardar isko khaar mat keejo..(2)

Ye Mehfil hai ehle tawalla ki mehfil, yaha sirf hogi mohabbat ki baatein
Nafee ghair ki hai mohabbat ka hissa, na samjhe ise koi nafrat ki baatein

Siwae nabi aur aale nabi ke, kiya kisne kab hai shifa’at ka waada
jise haqne baksha hai haqqe shifa’at, wohi to karega shifa’at ki baatein

Yahi to madare wujudo adam hai, yahi malike salsabeelo iram hai
Jise hai nabi o ali se mohabbat, use zeb deti hai jannat ki baatein

Ba kaaba wiladat, ba masjid shahadat, nabi se mawakha to Zahra se nisbat
ali ke hai ye imteyazi fazael, abas hai kisi se fazeelat ki baatein

Badha shehr se kaun sakta hai darr ko, mohammad madina ali baab uska
Ilaqa nahi ilm o hiqmat se jinko, wahi kar rahe jihalat ki baatein

Padi thi jo saccho ki haq ko zarurat, faqad panjetan kaam aaye the haq ke
Tumhara na siddiqo siddiqa koi, to karte ho kyu tum sadaqat ki baatein

Hunain o ohod ho ya khandak ya khaibar, tike hi nahi jo kisi maareke me
lade hi nahi jo kabhi haq ki khatir, na kar unki farzi shaja’at ki baatein

Ghaneemat ki mat maar kar jo ghani bangae the, tahi dast khaibar se pehle
na dilwa sake haqqe zehra jo unse, to karte ho tum kyu sakhawat ki baatein

Nabi jiske maula, ali uske maula, ye chhota sa ek mas’ala tum na samjhe
tumhari samajh me jo maula na aaye, to kyu kar rahe ho wilayat ki baatein

Na ajre risalat adaa kar rahe ho, na haqqe mawaddat adaa kar rahe ho
amal to tumhara hai ghairo ke jaisa, yuhi kar rahe ho bara’at ki baatein

Jamal neherwaan aur siffin o qatle abuzar saqeefa fidak aur khaibar
ali ki sharafat ki baatein hai inme, to ghairo ke sharr aur aafat ki baatein

Khuda ke nahi waledain o aizza, na aulad o zauja na roti na kapda
nusairi ko samjhaiye sibte jafar, wo kyu kar raha hai himaqat ki baatein

Hai Boriya nashee'n to kya ameer phir ameer hai
Adu hai hukmaraa'n to kya faqeer phir faqeer hi
bohot se din hai eid ke Ghadeer phir ghadeer hai

1. Awaam ho ya hukmara'n madad inhi se lete hai
ghulam apne khoon ki sanad inhi se lete hai
ghulam ho ya ho pisar haqeer phir haqeer hai

2. Khushi ke din hai fitr azha aur mubahila sabhi
jo masiyat se paak ho wo roz bhi hai eid hi
khushi ke din bohot se hai Ghadeer phir Ghadeer hai

3. Ali nabi ka janashee'n hai baab e shehr e ilm bhi
shareek e noor e mustafa hai pesh aur wasi wali
wo sab hai par nabi nahi wazeer phir wazeer hai

4. Halaak hone se bachaya usne tumko baarha
agar che tumne har qadam pa murtaza ko dukh diya
madad ko phir bhi aayega Ameer phir Ameer hai

5. Tere mu'aamile mein kar rahe hai jo agar magar
nabi ki shahzadi haq nahi mila to ghum na kar
Khalifa hogaya to kya, Faqeer phir Faqeer hai

6. Agarche hur ne sheh ki raah rok kar bura kiya
wo saari raat lashkare yazeed mein raha to kya
wo haq pa hoga subho dum Zameer phir Zameer hai

7. Wo shaah e inso jaa'n malaeka ka bhi imaam hai
usi ka sibt e jafar e haqeer bhi ghulaam hai
ghulaam sab bade sahi Haqeer phir haqeer hai

Aqd ummul banee'n se Ali ne kiya
jiske khatir wo shere jinaa aagaya

bol uthe Murtaza ye to Abbas hai
mere Shabbir ka qadrada'n aagaya

Khush hai Hasnain o Ummul baneen o Ali
khuld se Fatima ne bhi di tehniyat
Umme kulsoom o Zainab huwi sajda rez
unke sar par ek aur sayebaa'n aagaya

Warise Hamza o Jafar o Murtuza
ta qayamat alamdaar e fauj e khuda
azm o zabt o shaja'at, ita'at wafa
khidmat o isteqamat nishaa'n aagaya

Ambiya, awsiya, awliya.. 
sabka daaro madaar e baqa karbala
karbala jiski muddat se thi muntazir
wo mo'eene shahe bekasaa'n aagaya

Dastageeri karega aaj har ek ki
bawajud ye ke honge qalam uske haath
ek laqab jiska baab e hawaej bhi hai
wo mutee'e imam e zamaa'n aagaya

Jiteji wo raha bhukha pyaasa magar
uske sadqe pa palte hai jinno bashar
khadim e khaas jannat ke sardaar ka
abd e salih, jawan e jinaa'n aagaya

Alqama ghul bhi hai jiski zere qadam
har jagah jiska lehra raha hai alam
gharb uske qadam sharf jiski jabee'n 
ronake mehfil e kunfakaa'n aagaya

Rok sakta hai nazro se lashkar ko jo
chheen sakta hai ghaat ek naize se wo
jisko baab e shahadat bhi ghaazi kahe
wo jawaan o jari, pehelwaa'n aagaya

Fatema ki amanat samajhkar mujhe
apni aaghosh mein qabr mein rakh liya
mujhse milne ko aaye Ali jab suna
mere Abbas ka mad'ha-khwaa'n aagaya

Sibte jafar jo tha aam sa aadmi
karte karte sanaye nabi o Ali
saaya e parchame maula Abbas mein
chalte chalte kaha'n se kaha'n aagaya

Jo paak teenat hai asl apni, amal se apne bata rahe hai
wila ki mehfil saja rahe hai, safe aza ki bicha rahe hai

Khuda ra samjho to sheikh  sahib, tumhe jo hakim bana rahe hai
bitha ke tumko ali ki masnad pa, dar haqeeqat phasa rahe hai

Kare nabi o ali ki midhat, kaha kisi kam nasab ki qismat
Jo unki azmat ko jaante hai, wohi to gun unke gaa rahe hai

Bikhari, bhikshu, sawali, naukar, mirasi jo chahe humko kehle
kisi ki parwaah ho kyu hame jab, hum unhi ka sadqa kha rahe hai

Ye behrobar mehruma ho anjum, unhi ke parto unhi ke jalwe
ye aabshare ye saare jharne, unhi ke naghme suna rahe hai

Jo unke garde safar bane the, jo unke qadmo se mass hue the
wo saare zarre sitare ban banke, arsh par jagmaga rahe hai

Kaleem bhi rashk kar rahe hai, sambhale hosho hawaas apne
kaha kaha mazhar ul ajaeb, kamaal apne dikha rahe hai

Kabhi wo kehte hai qum be izni, kabhi wo kar dete hai ishara
idhar palta rahe hai suraj, udhar wo murde jila rahe hai

Nuseriyo, shafa’I o wali o rafazi ka gila kare kya
janabe man aapke kamalaat, bhi to kafir bana rahe hai

Nuseri ka mas’ala hai nazuk, jabhi to hai ehtiyat lazim
Mu’amla wo nahi jo humko , janabe waez bata rahe hai

Ajeeb hairat se dekhte hai, ameen wahi jibraeel unko
ke jis bulandi pa jaake meesum, ali ki midhat suna rahe hai

Rushedi hijri bhi hum nawa hai, nahi hai tanha janabe meesum
jo lutf midhat ka jaante hai, wo daar par muskura rahe hai

Yahi banao, abhi banao, rasool ko khaas hukm e rabb hai
Ghadeer khum me jabhi  mohd, ali ko maula bana rahe hai

Jo mustahaq tha ba hukme khaliq, use nabi ne wasi banaya
bataiye faeda hi kya hai, jo pecho taab aap kha rahe hai

Alam jo khaiber me haq se paaya tha, humne aur ghair ne hamare
jo ain se ham utha rahe hai, to wo alif se utha rahe hai

Namaaz roze hi tul rahe the, jo aagai fatema kahi se
Husain ke jitne matami the, wo dekho jannat me jaa rahe hai

Siyaah kaar unka naam lewa, jo unko ho awaaz de raha hai
huzoor dawar wo ehle mehshar, ke saamne mu chura rahe hai

Agar aqeeda durust hai to, gunahgaaro ke saath hai wo
shafa’ate aasiyan se maula, kab apna daman chhuda rahe hai

Ziraar ho ya sawale bay’at, munafiqeen aaj tak na badle
wo masjide bhi bana rahe hai, wo ab bhi darwaze dha rahe hai

Zahoor ki thi jinhe tamanna, safe wo apni durust karle
Hamesha jinko pukarte the, jo aane wale the aa rahe hai

Bilak rahe hai machal rahe hai, hazaro armaan apne dil me
Na jaane kis raaste se apne, imaam tashreef laa rahe hai

Hai apne azmat se khoob waqif, hum unke maddaah aur shaer
hum unki mehfil me jaa rahe hai, malaeka parr bicha rahe hai

Ye tifl abbas ibne haider, jise kahe fatema bhi beta
samajhle azmat ko uski jiska, Husain jhoola jhula rahe hai

ye saqiye kausar ibne haider, Husain ibne ali hai inko
na bhuliyo hurr jo tere lashkar ko, aaj paani pila rahe hai

Malak bhi hairat se dam ba khu hai, falak bhi ghairat se takk raha hai
hasi khushi jaise hurr ko sarwar, gale se apne laga rahe hai

Hai narghae ashkiya me ab bhi, tumhare aaqa tumhare maula
Sadae halmin ki aa rahi hai, Husain tumko bula rahe hai

Husain ke naam par jiyenge, Husain ke naam par marenge
Bajae aansu lahu ka nazrana, deke sabko bata rahe hai

Lahad me aae jo sibte jafar, ke bole munkar nakeer baham
sawaal chhodo suno nai manqabat, jo ye kehke laa rahe hai

woh husain mera hai..
zeest jiski baandhi hai, woh husain mera hai
Maut jispa marti hai, woh husain mera hai
jiski sab khudai hai, woh husain mera hai

1. Kibriya bhi uska hai, ambiya bhi uske hai
awsiya bhi uske hai, awliya bhi uske hai
khalq saari jiski hai, woh husain mera hai

2. Aisa kiski naami hai, aisa kiska naama hai
ek ka sadqa kauna maka, ek arab ki malka hai
jo waqar e hasti hai, woh husain mera hai

3. Daadi jiski binte asad, aur jadd abu talib
maa hai fatima zahra, baap ka laqab ghalib
jo wurude nasli hai, woh husain mera hai

4. Jiske darr par aae malak apni jholiya phailaye
jiske darr se fitrus bhi aake baalo par lejaye
rizwa jiska darzi hai, woh husain mera hai

5. Jiske daste qudrat me baagh hai nabuwat ki
deen ka to kehna kya jab ke khud mashiyat bhi
kalma jiska padhti hai, woh husain mera hai

6. Jiske waaste naaqa bangaye ho khud sarwar
tool de de sajde ko hukme rab se paighambar
jo khuda ki marzi hai, woh husain mera hai

7. Saat(7) bete rahib ko bakhshe apne tiflee me
ek habib hi ko kya deen ko zaeefi me
jisne zindagi di hai, woh husain mera hai

8. Fikr ummate jadd ki jisko thi tahe khanjar
ki tilawate qura'a jisne nauke naiza par
deen jisse baqi hai, woh husain mera hai

10. Kuch nahi yaha tafreeq rang o nasl o mazhab ki
ek sabka maslak hai ek qaumiyat sabki
bazm ye husaini hai, woh husain mera hai

11. Haath katgaye fir bhi behro bar pa qabza hai
qabza karke darya par aaj bhi to pyaasa hai
jiska aisa bhai hai, woh husain mera hai

12. Jab mulukiyat ki naqaab tifl odh kar aaya
jisne barsare darbaar usko be naqaab kiya
jiski khwahar aisi hai, wo husain mera hai

13. Sibt e jafar ek shayar, soz khane aale nabi
usko izzat o shohrat panjetan ke darr se mili
jiska faiz jaari hai, wo husain mera hai

woh husain mera hai..
zeest jiski baandhi hai, woh husain mera hai
Maut jispa marti hai, woh husain mera hai
jiski sab khudai hai, woh husain mera hai

1. Kibriya bhi uska hai, ambiya bhi uske hai
awsiya bhi uske hai, awliya bhi uske hai
khalq saari jiski hai, woh husain mera hai

2. Aisa kiski naami hai, aisa kiska naama hai
ek ka sadqa kauna maka, ek arab ki malka hai
jo waqar e hasti hai, woh husain mera hai

3. Daadi jiski binte asad, aur jadd abu talib
maa hai fatima zahra, baap ka laqab ghalib
jo wurude nasli hai, woh husain mera hai

4. Jiske darr par aae malak apni jholiya phailaye
jiske darr se fitrus bhi aake baalo par lejaye
rizwa jiska darzi hai, woh husain mera hai

5. Jiske daste qudrat me baagh hai nabuwat ki
deen ka to kehna kya jab ke khud mashiyat bhi
kalma jiska padhti hai, woh husain mera hai

6. Jiske waaste naaqa bangaye ho khud sarwar
tool de de sajde ko hukme rab se paighambar
jo khuda ki marzi hai, woh husain mera hai

7. Saat(7) bete rahib ko bakhshe apne tiflee me
ek habib hi ko kya deen ko zaeefi me
jisne zindagi di hai, woh husain mera hai

8. Fikr ummate jadd ki jisko thi tahe khanjar
ki tilawate qura'a jisne nauke naiza par
deen jisse baqi hai, woh husain mera hai

10. Kuch nahi yaha tafreeq rang o nasl o mazhab ki
ek sabka maslak hai ek qaumiyat sabki
bazm ye husaini hai, woh husain mera hai

11. Haath katgaye fir bhi behro bar pa qabza hai
qabza karke darya par aaj bhi to pyaasa hai
jiska aisa bhai hai, woh husain mera hai

12. Jab mulukiyat ki naqaab tifl odh kar aaya
jisne barsare darbaar usko be naqaab kiya
jiski khwahar aisi hai, wo husain mera hai

13. Sibt e jafar ek shayar, soz khane aale nabi
usko izzat o shohrat panjetan ke darr se mili
jiska faiz jaari hai, wo husain mera hai