Farhan (ALI WARIS) (2016)

Haye shaam, haye shaam..(2)
Haye abbas, haye abbas..(3)
Abbas teri behno ko, bazaar mein laaya jatah hai..(2)

1. Suraj ne khule sar jisko, ghar mein bhi kabhi na dekha
afsos wahi shehzadi, balwe mein gai wawaila
zainab ki yaha aamad par, darbaar sajaya jaata hai

2. Kis shaan se teri zainab, mehmil me chali thi ghar se
aur aaj safar par nikli, to raah mein patthar barse
be parda nabi zaadi ko, galiyo'n me phiraya jaata hai

3. Kya tujhse kahu ae ghazi, dekhe hai yaha ghum kaise
raaho mein sakina teri, paani ke liye gar roye
bache ko dikha kar paani, reti pe bahaya jaata hai

4. Be dard hai be ghairat hai, ye shaam ke rehne waale
aankho'n pe pade hai parde, aur inki zaba'n par taale
ye chup hai nabi zadi ko, balwe me bulaya jaata hai

5. Ek lamha nahi hai aisa, eeza na koi pohchaye
thak kar wo kahi gar baithe, sajjad ko neend aa jaye
haye haye zanjeer hilakar, qaidi ko jagaya jaata hai

6. Dohraya gaya maazi ko, hai zulm wohi aur ghum bhi
ummat bhi wohi, chehre bhi, darbaar wohi aur hum bhi
kal amma jaha'n aayi thi, ab mujhko bulaya jaata hai

7. Raaho mein kisi manzil par, deta jo hume koi chadar
le jaate hai phir wo chadar, hakim ke sipahi aakar
ek ghum me teri zainab ko, kai baar rulaya jaata hai

28. Barsaat kabhi durro ki, hoti hai kahi sangbaari
ae bhai bata kyu na ho,jeene se mujhe bezaari
sadaat ko in raaho mein, har gaam sataya jaata hai

9. Ye farsh e aza ye matam, zainab ka qarz hai humpar
duniya se kahe fir kyu na, farhan aur mazhar rokar
jo aale nabi par guzri, nauho mein sunaya jaata hai

Haye shaam, haye shaam..(2)

Aye Hussaini maa tujhe salaam

Salaam ma.....x6
Tune bana diya mujhe Shabbir ka ghulaam
Aye Hussaini maa tujhe salaam.....x3

Tarbiyat mili wilayat e Ali pe tune ki
Aur majlis e aza me mujhko bhejti rahi
Maa tere karam se naematein azeem mil gayi....x2
Likha gaya sahifa e Zehra me mera naam
Aye Hussaini maa.....x3

Ake is jahan me pehli baar aankh jab khuli
Sabse pehle nauhe aur azan ki sada suni
Teri thapkiyon ne hi banaya mujhko matami...x2
Thi teri loriyan Hussainiat ka ehtemaam
Aye Hussaini maa......x3

Bolne ke waaste jo pehli baar lab hile
Ya Hussain ya Hussain lafz yeh ada kiye
Jane kab yeh lafz tune maa mujhe sikha diye ....x2
Ha Panjetan hain paanch aur bara hain Imam
Aye Hussaini maa....x3

Maa teri aqeedatom pe zindagi fida meri
Hosh jab sambhala maine ghar me dekha bas yahi
Ghar me tu saja rahi thi shehnashi Hussain ki....x2
Bachpan me hi sikha diya itna azeem kaam
Aye Hussaini maa....3

Ek chhota sa alam sajaya mere waaste
Mimbar e Hussain pe bithaya tune naa mujhe
Chand lafz majlis e Hussain ke sikha diye ....x2
Tehzeeb e gham ke waaste banaya yeh nizaam
Aye Hussaini maa....x3

Kaise bhul jau maa main teri woh rizayatein
Bachpane se tune daali saari achhi adatein
Tune hi sikhayi hain mujhe sabhi ibadatein ....x2
Tune sikhaya soz, nauha, marsiya  salaam
Aye Hussaini maa....x3

Tere saye me pala toh yeh sharaf mujhe mila
Khoon banke dodti hain in ragon me Karbala
Kitni baar de chuka hoon main bhi pursa khoon ka.....x2
Jab tha libaas khoon me tar  labon pe tha kalaam
Aye Hussaini maa.....x3

Haa yeh kaam maa ki fitraton ke bhi khilaaf tha
Tune ek roz mere paas aake yeh kaha
Raah me Hussainiat ki apni jaan kar fida .....x2
Allah yeh mohabbat e Hussain ka maqaam
Aye Hussaini maa......x3

Hain unhe dua e Sayyeda bhi aur Rasool bhi
Jinki god me pale yeh nauhakhwan yeh maatami
Un azeem maaon ki salaam Mazhar Aabedi
Farhan teri maa ko bhi khiraaj subh o shaam

Hussain hussain hussain..(4)
Aate hai zaereen karbobala
haatho'n me leke mishaale wafa
maatami hai ab yaume wila
kaale libaas aur shaale azaa
lab pe sajaye hue ye sadaa

jannat hai roza tera, jannat hai puri ye karbobala
ae wallah ae wallah husaina

Rasulallah(s.a.w.w.) farmate hai: 
"Karbala ki zameen, jannat ke teelo'n me se ek teela hai."

karbala jannat hai karbala, wallah
karbala jannat hai karbala
salam husain ya husaina..(2), yabn-ar-rasool ya husaina
salam husain ya husaina..(2), yabn-az-zahra ya husaina

1. Aaye ziyarat ko hum, ae wallah
khaate hai teri qasam, ae wallah
matam ye hoga na kam, ae wallah
aankhein rahegi ye nam, ae wallah

Imam Jafare Sadiq (a.s.) farmate hai: 
" Jis shakhs ko allah khair ataa karna chahta hai uske dil me qabre imam hussain ki shauq daalta hai"

2. Shauqe ziyarat jo tha, ae wallah
maula mai paidal chala, ae wallah
khwab ye pura hua, ae wallah
dekha haram to kaha, ae wallah

3. Pani tere shehr ka, ae wallah
kausar se meetha laga, ae wallah
uski hawa hai dawa, ae wallah
khaak hai khaak e shifa, ae wallah

4. Jaaye jahan bhi nazar, ae wallah
aaye nazar sar hi sar, ae wallah
qudsi wali ya bashar, ae wallah
hai ye sadaa humsafar, ae wallah

Jab hum bainul harmain pohochte hai 
to jaagta hai dil me ye ehsaas
ek taraf roza e hussain ek taraf roza e abbas
ye jannat nahi to aur kya hai
Bainul haramain..(4)

5. Ek taraf darr tera, ae wallah
ek taraf bawafa, ae wallah
do jannato ki hawa, ae wallah
ashk huwe lab kusha, ae wallah

6. Roze ka husn hai kya, ae wallah
gumbad arsh e khuda, ae wallah
fanoos  shams uz zoha, ae wallah
meenar auj e wafa, ae wallah
aaraish e bamodarr, ae wallah
seera ho jisse nazar, ae wallah
nazm hai deewar par, ae wallah
jaise ke shams o qamar, ae wallah

Haaye qateel e jafaa
tu yaha pyaasa raha
mujhko sare karbala
koi na pyaasa mila..(2)

7. Ae mere tashna dahan, ae wallah
tu to raha be kafan, ae wallah
jaate hai log watan, ae wallah
leke yahan se kafan, ae wallah

8. Haaye shah e karbala
Haaye qateel e jafaa
zaero pe tere ek wo waqt tha
haath payro'n ko katwa ke bhi ba khuda
tere roze pe aate the ehle azaa

8. Tujh pe fida kardiye, ae wallah
maao'n ne haste huwe, ae wallah
ghar me the jitne diye, ae wallah
bus yahi kehte huwe, ae wallah

9. Farhan o mazhar kaho, ae wallah
duniya ko paigham do, ae wallah
roza e sheh pe chalo, ae wallah
aur yahi kehte raho, ae wallah

jannat hai roza tera, jannat hai puri ye karbobala
ae wallah ae wallah husaina
karbala jannat hai karbala, wallah
karbala jannat hai karbala
salam husain ya husaina..(2), yabn-ar-rasool ya husaina
salam husain ya husaina..(2), yabn-az-zahra ya husaina

Hussain hussain hussain..(2)

Abbas..(3)
kis sher ki aamad hai ke rann kaanp raha hai
rann ek taraf, charkhe kohan kaanp raha hai
rustam ka badan zere kafan kaanp raha hai
har qasr salateen e zaman kaanp raha hai
shamsheer bakaf dekh ke haider ke pisar ko
jibreel larazte hai samete huwe par ko
sher e ali ki aamad hai ye..(2)
aate hai darya pe alamdaar
lashkar mein badi dhoom hai..(3)
aate hai darya pe alamdaar
lashkar mein badi dhoom hai..(3)

1. Jab chala mashko alam lekar wo saqqa e haram
tha ali jaisa hi alamdaar ka jaaho hasham
keh utha darya..YaAbbas..(4)
keh utha darya iske paas haider ka alam..(2)
chhod de sahil ko pehre daar

2. Al amaa'n ka shor uttha yak ba yak maidan mein
yun laga ke gir hi jayega falak maidan mein
maut ka naara..YaAbbas..(4)
maut ka naara ye gunja door tak maidan mein..(2)
aagaye kya haider e qarraar

3. Tegh se likhega ye jarraar qissa maut ka
ek pal tootega na aada se rishta maut ka
hai faras tera..YaAbbas..(4)
hai faras tera sare maidaa'n farishta maut ka..(2)
aaj tu hai bar sare paikaar

4. Har qadam rahwaar ke hamraah chalti hai qaza
hai dhamak aisi larazta hai ye dashte nainawa
ab teri talwaar...YaAbbas..(4)
ab teri talwaar se paani piyegi alqama..(2)
aye khudai fauj ke salaar

5. Zulf hai toole shabe me'raaj ki tasweer si
Hai jabeen e naaz kohetoor ki tanweer si
hai teri nazro mein...YaAbbas..(4)
hai teri nazro mein tezi haideri shamsheer si..(2)
aa teri aamad ki aye jarraar

6. Shimr ke jab saamne aaya ali ka laadla
ghayz aaya aasteeno ko ulat kar ye kaha
kya kya lade hai khaibar o badr o tabook mein
ye haath pyaas mein na ruke hai na bhook mein
shohrat hai apni jood o sakha ki mulook mein
hatim se bhi sakhi hai sewa hum sulook mein
bigde hai jab to khoon ke darya bahaye hai
sar dediya hai baat pe jis waqt aaye hai
jung aazma hai saff shikan o qal ageer hai
haibat mein, dabdabe mein, adeemun nazeer hai
duniya ke baadshah hai garde sareer hai
is auj par husain ke darr ke faqeer hai
rutbe pe faqr hai, na shaja'at pe naaz hai
gar hai to bus ghulami e hazrat pe naaz hai
 
tab shimr ne kaha, ke fasahat se kya husool
bay'at unhe, to sulho hame bhi nahi qubool
ghaazi pukara,
O najis o murtad o jahool
lijo na mu se naame jigar gosha e batool
samjha hai kya imam e iraq o hejaaz ko
kutti se khaich lunga zabane daraaz ko
tu kya hai aur kya hai tera wo ameer e shaam
karte hai baadshaah kahin bay'at e ghulaam
tu bhi namak haraam hai, wo bhi namak haraam
O be adab!
Yazeed kuja aur kuja imaam
dozakh se door rehte hai sakin bahisht ke
kaaba kabhi jhuka nahi aage kanisht ke
sunte hi us sher ki lalkaar..
lashkar mein badi dhoom hai..(3)

7.  Masroof the jehaad mein abbas e bawafa
nagaah aayi khaime ke deodi se ye sadaa
kya ab sakina pyaasi hi mar jaye ae chacha
kab tak ladoge fauj se bus ho chuki wegha
sukhe huwe labo'n pe, meri jaan aayi hai
ae noore chashme saaqiye kausar duhai hai

al qissa pohcha sahil e darya pe bawafa
aada se darya cheen ke mashkiza bhar liya
mashko alam sambhal ke khaime ka rukh kiya
barse wo teer mashk chidi aur alam gira
paani na pohcha pyaaso ko aye waaye alqama
baazu kata ke sher bhi darya pe sogaya
aye mazhar o farhan qayamat hui bapa
haatho'n se kamar thaam ke aaye shahe huda
bhai ko zakhmi dekh ke nauha yahi kiya
abbaaasss

kya hai ke aankh band kiye ho haya se tum
kya kuch khafa ho sibte rasool e khuda se tum
aksar, aksar hame bachate the loo se, hawa se tum
ham hath gaye hai gard to jhaado qaba se tum
hai dopahar ka waqt, baradar pe dhoop hai
arey saaya karo alam ka mere sar pe dhoop hai
mere sar pe dhoop hai
mere sar pe dhoop hai

Haaye sakina, sakina..(2)
Ae baade sabaa jaake ye ammu ko batana,..(2)
pyaasi hai sakina

1. Is chhote se sinn me ye sitam maine uthaye
Allah kisi ko na yateem aisa banaye
khud apne lahu mein koi bachi na nahaye
mai tumko bulati rahi tum bhi to na aaye
mai ban gayi baad asr laeeno ka nishaana
pyaasi hai sakina

2. Paani ki talab mujhko khilati rahi thokar
kehta tha laee'n dunga mai faujo'n ko pilakar
jab shimr e laee'n kar chuka sairaab ye lashkar
dikhlake mujhe faik diya paani zamee'n par
tab samjhi mai kya hota hai ummeed dilana
pyaasi hai sakina

3. Ek jaam hua shaam e ghareeba mein mayassar
wo kooza mai rakh aayi thi asghar ki lahad par
tha mujhse bhi chhota mera bhaiyya mera dilbar
sharminda mai hojati chacha pyaas bujha kar
ab apne hi haatho'n se meri pyaas bujhana
pyaasi hai sakina

4. Ek rassi mein hum sabke gale baandh ke aada
karte hue tash'heer chale jaanibe koofa
aur uspe musibat ye thi qad chota tha mera
uth ti thi jo phuphiya'n to gala khichta tha mera
gardan ka mere zakhm chacha dekhne aana
pyaasi hai sakina

5. Jis roz se asghar ko mila baba ka seena
us roz se ammu nahi so paayi sakina
is haal mein jaungi mai kis tarha madina
aa jaye mujhe maut hai kis kaam ka jeena
jaagi hu bohot aake chacha mujhko sulana
pyaasi hai sakina

6. Ghar laut ke jaate hai har ek shaam parinde
qismat mein likhe hai meri zindaa'n ke andhere
kab tak mai jiyungi yuhi ashko'n ke sahare
lagta hai ke marjaungi ab door watan se
hoga na mayassar mujhe ghar laut ke jaana
pyaasi hai sakina

7. Anwar ye sadaa parchame abbas se aayi
mai bhool nahi sakta sakina meri bachhi
kaate gaye baazu mere majboor tha bibi
mashkeeza alam mein hai laga dekhle ab bhi
parcham ka mere kaam hai duniya ko batana
pyaasi hai sakina
Ae baade sabaa jaake ye ammu ko batana
Pyaasi hai sakina..(3)

Haye
Reh gayi dasht me tanha toh watan yaad aya
Pani paya toh har ek tishna dahan yaad aya
Leke har cheez Madine se chali thi Zainab
Bhai ki laash pe pohonchi toh kafan yaad aya
Tu bekafan hain Hussain, behen berida hain ....x4

Aayi thi Madine se lekar main apna bhara ghar bhai
Logon ne mera ghar lut liya bas paas rahi tanhayi
Yaha tishna lab
Yaha tishna lab tu hua bain, behen berida hain
Tu bekafa hain hussain, behen berida hain......x2

Pani se tujhe mehroom rakha aur mujhko tere matam se
Tukde hain kaleja Zainab ka aye bhai fakat is gam se
Sina par tera
Sina par tera sar rakha hain, behen berida hain
Tu bekafan hain Hussain, behen berida hain.....x2

Tu mere liye faryad kare main tere liye aye bhai
Mazlum musaafir teri behen baagi ki behen kehlayi
Yeh gam sitam
Yeh gam sitam se bada hain, behen berida hain
Tu bekafan hain Hussain, behen berida hain....x2

Lashe se tere aati hain sada sunti hain behen majaye
Aye kaash koi tadbeer bane aur Zainab Shaam na jaye
Aseer e rasan
Aseer e rasan kafla hain, behen berida hain
Tu bekafan hain Hussain, behen berida hain

Main qaidi bani aur Shaam chali, mehmil na amaari ayi
Zainab ke liye hain sabse bada gam tujhse bichadna bhai
Tujhe yehi gam
Tujhe yehi gam kha gaya hain, behen berida hain
Tu bekafan hain Hussain, behen berida hain .....x2

Amma ki sada yeh aati hain kyu lut liya pyaase ko
Sar tera badan se kaat liye aur pamaal kiya laashe ko
Qateel e jafa
Qateel e jafa tu hua hain, behen berida hain
Tu bekafan hain Hussain, behen berida hain......x2

Hain kaan Sakina ke zakhmi, Abid ka mukaddar bedi
Naize pe shaheedon ke sar hain , sadat bane hain qaidi
Abhi Shaam ka
Abhi Shaam ka marhala hain, behen berida hain
Tu bekafan hain Hussain, behen berida hain ....x2

Ghar tera qareeb e asr luta, main shaam e alam me luti
Khoon tera baha bejurm o khata, hamsheer is gam me ujdi
Tere khoon se
Tere khoon se yeh wafa hain, behen berida hain
Tu bekafan hain Hussain, berida hain.....x2

Ta umr padhege yeh nauha Farhan aur Mazhar rokar
Zainab ke baradar ke markad par humne suna hain aksar
Shah e di ka yeh
Shah e di ka yeh marsiya hain, behen berida hain
Tu bekafan hain Hussain, behen berida hain ...x2
Behen berida hain....x3

Haay..
Haaye...
Gir kar kabhi uthe kabhi rakha zamee'n pe sar
ublaa lahu kabhi to sambhala kabhi jigar
hasrat se ki khayam ki janib kabhi nazar
karwat kabhi tadap ke idhar li kabhi udhar
uth baithe jab..(2)
to zakhmo se barchi ke phal gire
teer aur tan me gadh gaye jab mu' ke bal gire
jungle se aai fatema zehra ki ye sadaa
ummat ne mujhko loot liya wa mohammada
is waqt kaun haqqe rifaqat kare adaa
zainab se boli fatema zehra basad bukaa
unnees so hai zakhm tane chaak chaak par
zainab nikal hussain tadapta hai khaak par..(2)

1. Kis chaah se paala ise aanchal me chupaa kar
mai jaagti rehti ise raato'n ko sulaa kar
chakki bhi jo peesi hai to godi me bitha kar
kis haal me dekha hai ise dasht me aakar

2. Hai kaun jo mazloom ko teero'n se bachaye
sehroz ke pyase ko koi paani pilaye
zakhmo mein bhari khaak koi aake chudaye
har laash uthayi hai ise kaun uthaye

3. Abbas ke marne se kamar toot chuki hai
akbar ke bichhad jaane se beenai gai hai
in ankho'n me besheer ki turbat bhi bani hai
hai aakhri lamhaat ajal sar pe khadi hai

4. Kuch der me khanjar mere bache pe chalega
afsos dame zibha bhi pani na milega
khanjar ke kai zarbo se sar iska katega
ghayyur hai beta mera hargiz na kahega

5. Baqi hai abhi jaan tera bhai hai zinda
ghode kahin dauda na de bedard hai aada
hay hay koi bekas ko nahi puchne wala
bhai se mohabbat hai to maqtal me chali aa

6. Ye bayn mai sunti hu tere baba ali se
hojaenge pamaal abhi laashe sabhi ke
kuch marhale baqi hai ghareebul watani ke
jaa haal zara dekh le is pyaase akhi ke

7. Aajiz hai yaha aake to har ek sukhanwar
farhaan anees e shahe wala hoke mazhar
likh paya nahi aaj talak koi wo manzar
jab kehti thi zainab se meri bibi tadapkar

unnees so hai zakhm tane chaak chaak par
zainab nikal hussain tadapta hai khaak par..(3)

Aa gaye sadaat, aa gaye sadaat
karbala aa gaye sadaat..(2)
Uthiye hussain aapke zawwar aaye hai
zindaa'n se chut ke abid e beemar aaye hai..(2)

1. Bhoole nahi hai shaam aur koofe ke raaste
tarse hue hai maula ye matam ke waaste
sab kuch luta ke aapke ghumkhwaar aaye hai
zindaa'n se chut ke..

2. Zainab ne chalte naaqe se khud ko gira diya
phir kohniyo se chalke gayi bhai se kaha
humlog hoke koocha o bazaar aaye hai
zindaa'n se chut ke..

3. Gardan pe aur jismpe zanjeer ke nishaa'n
ek ek zakhm dard ki kehta hai dastaa'n
zindaa'n se zinda laut ke lachaar aaye hai
zindaa'n se chut ke..

4. Jee khol kar yaha tera matam karenge hum
karbobala mein majlis e chehlum karenge hum
aye maula shaam wale azadaar aaye hai
zindaa'n se chut ke..

5. Zindaa'n mein ek teri azadaar reh gayi
karbobala na aayi na zindaa'n se ghar gayi
dafna ke usko abid e beemar aaye hai
zindaa'n se chut ke..

6. Zindaa'n mein karke aaya hai majlis ye karwaa'n
sab bibiya'n thi matami zainab thi nawhakhwaa'n
mehwe buka o deeda e khoo'n khwaar aaye hai
zindaa'n se chut ke..

7. Aisa safar batool ki beti ne tay kiya
dete nahi the log aseero ko raasta
tay karke saari manzil e dushwaar aaye hai
zindaa'n se chut ke..

8. Be dard the wo shaam aur koofe ke sab makee'n
tang hogayi thi aale mohammad pe ye zamee'n
sadaat hoke jeene se bezaar aaye hai
zindaa'n se chut ke..

9. Farhan o mazhar abidi kyu na ho nauhagar
sajjad chutke qaid se baba ki qabr par
lekar nishane tauqe garo baar aaye hai
zindaa'n se chut ke..

Aa gaye sadaat, aa gaye sadaat
karbala aa gaye sadaat..(2)
Uthiye hussain aapke zawwar aaye hai
zindaa'n se chut ke abid e beemar aaye hai..(2)

1. Bhoole nahi hai shaam aur koofe ke raaste
tarse hue hai maula ye matam ke waaste
sab kuch luta ke aapke ghumkhwaar aaye hai
zindaa'n se chut ke..

2. Zainab ne chalte naaqe se khud ko gira diya
phir kohniyo se chalke gayi bhai se kaha
humlog hoke koocha o bazaar aaye hai
zindaa'n se chut ke..

3. Gardan pe aur jismpe zanjeer ke nishaa'n
ek ek zakhm dard ki kehta hai dastaa'n
zindaa'n se zinda laut ke lachaar aaye hai
zindaa'n se chut ke..

4. Jee khol kar yaha tera matam karenge hum
karbobala mein majlis e chehlum karenge hum
aye maula shaam wale azadaar aaye hai
zindaa'n se chut ke..

5. Zindaa'n mein ek teri azadaar reh gayi
karbobala na aayi na zindaa'n se ghar gayi
dafna ke usko abid e beemar aaye hai
zindaa'n se chut ke..

6. Zindaa'n mein karke aaya hai majlis ye karwaa'n
sab bibiya'n thi matami zainab thi nawhakhwaa'n
mehwe buka o deeda e khoo'n khwaar aaye hai
zindaa'n se chut ke..

7. Aisa safar batool ki beti ne tay kiya
dete nahi the log aseero ko raasta
tay karke saari manzil e dushwaar aaye hai
zindaa'n se chut ke..

8. Be dard the wo shaam aur koofe ke sab makee'n
tang hogayi thi aale mohammad pe ye zamee'n
sadaat hoke jeene se bezaar aaye hai
zindaa'n se chut ke..

9. Farhan o mazhar abidi kyu na ho nauhagar
sajjad chutke qaid se baba ki qabr par
lekar nishane tauqe garo baar aaye hai
zindaa'n se chut ke..