Syed Raza Abbas Zaidi (2021)

Haye akbar.. Haye zainab..(2)

Marne ki ijazat jab maangi
akbar ne to yeh sarwar ne kaha
zainab se ijazat lo beta
tum par hai ziyada haq uska
khaime mein phuphi amma ke jab
athhara baras wala pohcha
maangi jo ijazat akbar ne
zainab ne pukara aye beta

Atthara baras tumko in haatho'n se paala hai
Atthara baras tumko in haatho'n se paala hai..(2)
Mai kaise kahu akbar..
Mai kaise kahu akbar, marne ke liye jao
Atthara baras tumko in haatho'n se paala hai

1. Akbar tujhe dekhu to chalti hai meri saa'nse
kis tarha se tujhe zakhmi dekhengi meri aankhein
dekhengi meri aankhein
Mere gul badan, mere naujawa'n
kaleje mein jab, lagegi sina
meri jaan tum, na seh paoge
tumhe kis tarha sambhalegi maa
maloom hai zainab ko, nazuk tera seena hai

Mai kaise kahu akbar..
Mai kaise kahu akbar, marne ke liye jao
Atthara baras tumko in haatho'n se paala hai

2. Ek baar zara apne baba ki taraf dekho
kis tarha uthaenge woh tere janaze ko
woh tere janaze ko
ajab haal hai, kamar mein hai khum
hai abbas ki, judayi ka ghum
ghareeb ul watan, bohot thak chuka
zaeefi bhi hai, nazar bhi hai kam
aye laal mera bhai seh roz ka pyaasa hai

Mai kaise kahu akbar..
Mai kaise kahu akbar, marne ke liye jao
Atthara baras tumko in haatho'n se paala hai

3. Mai paalne wali hu itna to mera haq hai
socha tha ke ek din mai jab jaungi duniya se
jab jaungi duniya se
lahad mein mujhe, utarega tu
ye armaan hai, yehi aarzu
rahe tu sadaa, mere saamne
ruke saans bhi, tere ru baru
aye laal abhi mera armaan adhura hai

Mai kaise kahu akbar..
Mai kaise kahu akbar, marne ke liye jao
Atthara baras tumko in haatho'n se paala hai

4. Jab pehle pehel tujhko haatho pe uthaya tha
yeh kehte hue maine seene se lagaya tha
seene se lagaya tha
meri zindagi, mere laadle
kisi ki tujhe, nazar na lage
tujhe dekhne ko, bechayn thi
sukoo'n mil gaya, tujhe dekh ke
tu aankho'n ka taara hai tu raaj dulara hai

Mai kaise kahu akbar..
Mai kaise kahu akbar, marne ke liye jao
Atthara baras tumko in haatho'n se paala hai

5. Sughra se kiya waada kya yaad nahi akbar
beemar madine mein mar jaye na ro ro kar
mar jaye na ro ro kar
use aas hai, ke aoge tum
jo waada kiya, nibhaoge tum
sakina se woh, bohot door hai
bahan se use, milaoge tum
beta tumhe sughra se woh waada nibhana hai

Mai kaise kahu akbar..
Mai kaise kahu akbar, marne ke liye jao
Atthara baras tumko in haatho'n se paala hai

6. Akbar teri shadi ka armaa'n hai bohot humko
hum seh nahi payenge aye laal tere ghum ko
aye laal tere ghum ko
jabee'n par teri, jo sehra bandhe
tamanna hai woh, phuphi dekhle
dulhan ko teri, sajaungi mai
aye mere hasee'n, jawa'n laadle
zainab ne abhi tujhko dulha bhi banana hai

Mai kaise kahu akbar..
Mai kaise kahu akbar, marne ke liye jao
Atthara baras tumko in haatho'n se paala hai

7. Yeh kehne lage akbar zainab ki sadaa sunke
afzal to nahi amma mai dilbar e zahra se
mai dilbar e zahra se
akele hai wo, nahi hai koi
musibat mein hai, zarurat meri
nazar kis tarha, milaunga mai
agar aap ne, ijazat na di
kyu aapke hoto'n pe is waqt yeh nauha hai

Mai kaise kahu akbar..
Mai kaise kahu akbar, marne ke liye jao
Atthara baras tumko in haatho'n se paala hai

8. Akbar ki sadaa sunkar zainab ne ijazat di
rukhsat jo hue akbar kaisi woh qayamat thi
kaisi woh qayamat thi
duaein khuda, se karti thi woh
mere laal ki, khuda khayr ho
kaha Ya Ali, madad kijiye
mai rukhsat karu, jawa'n laal ko
zeeshan o raza phir na zainab ne pukara hai

Mai kaise kahu akbar..
Mai kaise kahu akbar, marne ke liye jao
Atthara baras tumko in haatho'n se paala hai

Kabhi ye shiree'n ke ghar mila hai
kabhi ye rahib ke ghar gaya hai
kabhi shajar pe rasan se baandha
kabhi ye sandooq mein rakha hai
na jaane iska safar hai kaisa
nahi hai mazloom koi aisa

ghareeb ka ye ghareeb sar hai
jo dar ba dar hai..

ghareeb ka ye ghareeb sar hai
jo dar ba dar hai..

1. Hai reesh jiski lahu mein doobi
ragein bhi sukhi hui hai jiski
bhari hai zulfo mein khaak haaye
kate hai lab aur jabee'n hai zakhmi
ayaa'n hai chehre se ghum bala ke
ho jaise maara rula rula ke

ghareeb ka ye ghareeb sar hai
jo dar ba dar hai..

2. Chala tha jis waqt ispe khanjar
tha god mein fatima ki yeh sar
khadi thi sattar(70) qadam pe zainab
gira ye sar jab zamee'n pe kat kar
uthaya zulfo'n se shimr ne sar
tapak raha tha lahoo zamee'n par

ghareeb ka ye ghareeb sar hai
jo dar ba dar hai..

3. Sawaar nok e sina pe ho kar
chala hai karbobala se yeh sar
nazar hai akbar ki sar ki janib
ajeeb ghurbat ka hai yeh manzar
kare ye akbar se jab bhi baatein
to khoon roti hai iski aankhein

ghareeb ka ye ghareeb sar hai
jo dar ba dar hai..

4. Nazar pade jab behen ke sar par
pukare abbas ko tadap kar
tamache jab bhi sakina khaye
zamee'n pe gir jaye haaye ye sar
koi jo abid pe zulm dhaye
pukare naize se haaye haaye

ghareeb ka ye ghareeb sar hai
jo dar ba dar hai..

5. Giri thi naaqe se jab sakina
wahi'n ye sar bhi theher gaya tha
nazar na aayi jab isko beti
tadap ke zainab ki simt dekha
kaha ye zainab ne jald jao
meri sakina ko dhundh lao

ghareeb ka ye ghareeb sar hai
jo dar ba dar hai..

6. Ye sar jo khuli ke haath aaya
ajeeb zalim ne zulm dhaya
ghar uske zahra tadap ke pohchi
jab usne tandoor mein chupaya
kiye jo Zahra ne bayn ro kar
tadap raha tha Hussain ka sar

ghareeb ka ye ghareeb sar hai
jo dar ba dar hai..

7. Sitam ye darbaar mein hua tha
ghareeb sar tasht mein rakha tha
yazeed dandaan e shahe dee'n par
chhadi ko has has ke maarta tha
sakina abid ko dekhti thi
pidar ki ghurbat pe ro rahi thi

ghareeb ka ye ghareeb sar hai
jo dar ba dar hai..

8. Hai shaam ki qaid ka yeh manzar
mila sakina ko baap ka sar
raza o zeeshan thi qayamat
kaha sakina ne jab lipat kar
naseeb ko hogaya hamara
hai seene pe sar tumhara

ghareeb ka ye ghareeb sar hai
jo dar ba dar hai..

Marne ke liye jab chale maidan mein akbar
peeche chale girte hue uthte hue sarwar
jab door hua shaah ki aankho'n se wo dilbar
laut aaye kaha madar e akbar se ye rokar

Laila, Laila..
Laila duaein kijiye jeeta rahe akbar
bete ke haq mein maa ki dua radd nahi hoti

Laila duaein kijiye..

1. Rukhsat ki ghadi yaad hai tum bhi to wahi'n thi
akbar ke kaleje se nazar hat-ti nahi thi..(2)
laila hamare laal ka naazuk sa hai seena 
seene pe na beta mera khaye koi barchhi

Laila duaein kijiye jeeta rahe akbar
bete ke haq mein maa ki dua radd nahi hoti

Laila duaein kijiye..

2. Is baat pe shabbir ka dil phat-ta hai ghum se
aise to kabhi door na akbar hue hum se..(2)
akbar ko jeeta dekh kar hum jeete rahe hai
akbar ko marta dekh kar mar jayenge hum bhi
Laila duaein kijiye jeeta rahe akbar
bete ke haq mein maa ki dua radd nahi hoti

Laila duaein kijiye..

3. Mai bhool nahi paunga ehsaan tumhara
is aalam e ghurbat mein do tum saath hamara..(2)
akbar mera jawaan aur hum par hai zaeefi
hum se to jawa'n laal ki mayyat na uthegi

Laila duaein kijiye jeeta rahe akbar
bete ke haq mein maa ki dua radd nahi hoti

Laila duaein kijiye..

4. Ab jald dua ke liye haatho'n ko utha lo
aye madar e akbar meri zainab ko bachalo..(2)
athhara saal usne hi akbar ko hai paala
kadiyal jawa'n ki laash wo na dekh sakegi

Laila duaein kijiye jeeta rahe akbar
bete ke haq mein maa ki dua radd nahi hoti

Laila duaein kijiye..

5. Sehre ke sajane ka jo armaan hai laila
armaan hi reh jayega akbar jo na aaya..(2)
akbar ko apne haath se hum dulha banaein
athharwi mannat bhi to humko hai badhani

Laila duaein kijiye jeeta rahe akbar
bete ke haq mein maa ki dua radd nahi hoti

Laila duaein kijiye..

6. Aawaaz yehi aati hai sughra ki watan se
ek bar mila de khuda bhai ko bahan se..(2)
akbar se mil na paye to mar jayegi sughra
maloom hai tumko meri beemar hai beti

Laila duaein kijiye jeeta rahe akbar
bete ke haq mein maa ki dua radd nahi hoti

Laila duaein kijiye..

7. Ye kehte hue laila ne hatho'n ko uthaya
jis tarha se Yaqub ko Yusuf se milaya..(2)
akbar ko ek baar tu sarwar se mila de
shabbir ki ye baat mai ab sun na sakungi

Laila duaein kijiye jeeta rahe akbar
bete ke haq mein maa ki dua radd nahi hoti

Laila duaein kijiye..

8. Laut aaya jo maidan se shabbir ka dilbar
pyaasa hu bohot baap se kehne lage akbar..(2)
paani ki baat aayi to rone lage maula
khaime ki simt dekh kar aawaz yehi di

Laila duaein kijiye jeeta rahe akbar
bete ke haq mein maa ki dua radd nahi hoti

Laila duaein kijiye..

9. Zeeshan o Raza woh jawa'n phir ran ko sidhara
seene pe sina khayi to baba ko pukara..(2)
pohche jawa'n ke paas jab rote hue sarwar
barchhi yehi kehte hue seene se nikali

Laila duaein kijiye jeeta rahe akbar

Waqt Nazdeek Tha Aakhri Raat Thi.
Zakhmi Zahra Ne Fizza Ko Aawaz Di.
Aaein Fizza Tu Zahra Ne Ro Kar Kaha.
Ab Tumhare Hawalay Hai Yeh Ghar Mera.
Tum Ko Maloom Hai Mera Haal Aye Behan.
Mere Bachoon Ka Rakhna Khiyal Aye Behan.

Yeh Fizza Pukari Bataein Yeh Bibi.
Kami Kaisay Maa Ki Main Pori Karon Gi.
Woh Dekhtey Hain Tum Ko Tu Milta Hai Unn Ko Chain.
Amma Pokartay Hain Tumhein Bhi Hasan Hussain.

Main Bholi Nahi Aap Ka Ghar Chalana.
Woh Ik Waqt Mein Do Farezay Nibhana.
Woh Chaki Chalana Woh Jhola Johlana.
Kabhi Aap Ke Bin Na Guzra Koi Din.
Mujhe Amma Fizza Woh Kehte Hain Lekin.
Adat Hai Loriyon Ki Mere Dil Ke Chain Ko.
Lori Suna Ke Tum Bhi Sulana Hussain Ko.

Woh Godi Mein Le Kar Ossay Pyar Karna.
Woh Kehna Mere Lal So Ja Hussaina.
Woh Aawaz Suntay Hi Betay Ka Sona.
Main Jab Oss Ko Lori Sunaon Gi Bibi.
Kahan Se Woh Aawaz Laon Gi Bibi.
Lagti Bohat Hai Pyas Mere Noor-e-Ain Ko.
Uth Uth Ke Shab Mein Pani Pilana Hussain Ko.

Ho Pyasa Tu Pani Pila Doon Gi Bibi.
Main Khana Bhi Oss Ko Khila Doon Gi Bibi.
Saweray Main Chehra Dhola Doon Gi Bibi.
Galay Se Lagaon Woh Rothay Manaon.
Magar Maa Ki Khushbo Kahan Se Main Laon.
Zalim Ne Dar Gira Ke Meri Gaud Ujaar Kar.
Ik Nasal Khatam Ki Mere Mohsin Ko Mar Kar.

Aye Bibi Woh Dar Jab Uthaya Tha Main Ne.
Shikasta Hai Pehlu Yeh Dekha Tha Main Ne.
Woh Jab Aap Se Haal Pocha Tha Main Ne.
Na Gham Pasliyon Ka Na Pehlu Ka Sadma.
Thi Yeh Fikar Mohsin Na Mar Jaye Mera.
Jab Bhi Hasan Ke Samne Jati Hai Fatima.
Hathoon Se Apne Gaal Chupati Hai Fatima.

Kaha Ro Ke Fizza Ne Aye Shah Zadi.
Woh Chup Chup Ke Rota Hai Ghurbat Pe Maa Ki.
Nishaan Ungliyon Ke Hain Chehray Pe Ab Bhi.
Janazay Pe Aa Ke Woh Chehra Jo Dekhey.
Main Oss Waqt Oss Ko Sanbhalon Gi Kaisay.
Be Pardah Layi Jaein Gi Bazar Betiyaan.
Meri Tarha Se Jaein Gi Darbar Betiyaan.

Unhein Shamiyon Se Bacha Loon Gi Bibi.
Main Hathoon Ko Chadar Bana Loon Gi Bibi.
Unhein Apne Pichey Chupa Loon Gi Bibi.
Khulay Sar Woh Haye Jo Darbar Jaye.
Chali Aaiye Ga Jo Zainab Bulaye.
Tasbeeh Kar Rahi Thi Jo Aawaz Kho Gayi.
Thak Kar Ghamo Se Fatima Khamosh Ho Gayi.

Janazay Pe Zahra Ke Dekha Yeh Manzar.
Kaha Jab Yeh Shabeer Ne Maa Se Ro Kar.
Aye Amma Bola Lo Hai Be Chain Dilbar.
Yeh Sun Kar Kafan Se Uthay Hath Maa Ke.
Yeh Fizza Ne Dekha Tu Bolein Ali Se.

RAZA aur ZEESHAN Kaisa Sama Tha.
Woh Jab Shimar Ne Sheh Pe Khanjar Chalaya.
Pohanch Kar Yeh Maqtal Mein Fizza Ne Dekha.
Pisar Ke Sirhaney Kaha Fatima Ne.
Lehad Chor Aayi Hoon Tujh Ko Bachaney.

Maara gaya darya pe jo shehdaye sakina..(2)
Shae rag se sadaa aati rahi haaye sakina

Haaye sakina, haaye sakina..
Haaye sakina, haaye sakina..(4)

1. Sheh se kaha abbas ne darr hai mujhe aaqa..(3)
darya pe kahi'n roti na aa jaye sakina

Haaye sakina, haaye sakina..(2) 

2. Laashe se sadaa aati thi hum bhi na piyenge..(3)
jab tak tumhe paani nahi mil jaye sakina

Haaye sakina, haaye sakina..(2)

3. Kis tarha se dikhlau tumhe shakl dobara..(3)
jab paani hi mashkize se beh jaye sakina

Haaye sakina, haaye sakina..(2)

4. Majboor hai bazu bhi nahi tum hi batao..(3)
kis tarha se ammu tumhe behlaye sakina

Haaye sakina, haaye sakina..(2)

5. Zainab ne kaha zere alam peet ke sar ko..(3)
matam karo maara gaya saqqa e sakina

Haaye sakina, haaye sakina..(2)

6. Aajaiye yu zauja e abbas pukari..(3)
waali kahi'n furqat mein na mar jaye sakina

Haaye sakina, haaye sakina..(2)

7. Sab chahne wale to anees hogaye maqtool..(3)
rukhsar ke neel ab kise dikh laye sakina

Haaye sakina, haaye sakina..(2)

Aye kul ke madadgar
sardaro ke sardaar
mushkil kushayi ho
mere maula mere sarkaar
gar tum na karoge to karam kaun karega?
gar tum na sunoge to meri kaun sunega?
meri kaun sunega?

Zahra ki musibat ka tumhe waasta Ali
Mushkil ko meri hal karo, mushkil kusha Ali

Zahra ki musibat ka tumhe waasta Ali
Mushkil ko meri hal karo, mushkil kusha Ali

1. Maula meri nigaho ko hasil ho ye sharaf
jiteji ek baar dikha do mujhe najaf
dikha do mujhe najaf
saanso ka ruk na jaye...
saanso ka ruk na jaye kahi silsala Ali

Mushkil ko meri hal karo, mushkil kusha Ali

2. Mushkil ghadi hai kijiye aasan raaste
sab par karam ho bali sakina ke waaste
sakina ke waaste
tum bin nahi hai...
tum bin nahi hai koi mera aasra Ali

Mushkil ko meri hal karo, mushkil kusha Ali

3. Aye kibriya ki shaan Mohammad ke dilnashee'n
aansu rawa hai aankh se dil ko sukoo'n nahi
dil ko sukoo'n nahi
ye dil se aa rahi hai...
ye dil se aa rahi hai musalsal sadaa Ali

Mushkil ko meri hal karo, mushkil kusha Ali
Zahra ki musibat ka tumhe waasta Ali
Mushkil ko meri hal karo, mushkil kusha Ali

4. Ek ghar mujhe bhi chahiye kaabe ke mohtaram
jis par laga ho hazrat e abbas ka alam
abbas ka alam
ghurbat mein muflisi mein..
ghurbat mein muflisi mein yehi hai dua Ali

Mushkil ko meri hal karo, mushkil kusha Ali

5. Beemar e karbala se wafa ka sila mile
beemar jo hai unko mukammal shifa mile
mukammal shifa mile
uski qasam jo...
uski qasam jo kaato'n pe chalta rahi Ali

Mushkil ko meri hal karo, mushkil kusha Ali

6. Haye hussain haye zaeefi ka wo samaa
dekhi jawaan bete ke seene me jab sina
seene me jab sina
rakh kar sina pe..
rakh kar sina pe haath tadap kar kaha Ali

Mushkil ko meri hal karo, mushkil kusha Ali
Zahra ki musibat ka tumhe waasta Ali
Mushkil ko meri hal karo, mushkil kusha Ali

7. Jis dum aseer hoke chali shaam ke taraf
zainab pukari dekh ke haye sue najaf
haye sue najaf
kis tarha shaam...
kis tarha shaam jaungi mai berida Ali

Mushkil ko meri hal karo, mushkil kusha Ali

8. Zindaa'n mein jab behen ka janaza na uth saka
haye tadap ke sayyed e sajjad ne kaha
sajjad ne kaha
waqt e madad hai..
waqt e madad hai aaiye ya murtaza Ali

Mushkil ko meri hal karo, mushkil kusha Ali

9. Zeeshan aur Raza ke labo par dua hai yeh
ghaibat se jald barwe bete ko bhejiye
bete ko bhejiye
mushkil hai saans lena...
mushkil hai saans lena ab unke bina Ali

Mushkil ko meri hal karo, mushkil kusha Ali
Zahra ki musibat ka tumhe waasta Ali
Mushkil ko meri hal karo, mushkil kusha Ali

Haye.. Haaye

Bayaan karta hu zindaa'n mein kya qayamat thi
ghareeb baba se jis dum ghareeb beti mili
wo apne baba ke sar se lipat ke rone lagi
tadap ke li jo sakina ne akhri hichki
kaleja phat-ta hai kaise sunau wo manzar
rakhe the beti ne rukhsar baap ke muh par

Andheri qaid mein phir kya hua suno aage
behen ko dekha jo baba ke sar se lipte hue
tadap ke baali sakina ke paas aa pohche
jo nabz dekhi to sajjad ne kaha roke
utha rahi thi jo ghum wo thak gayi ghum se
phuphi humari sakina bichhad gayhi hum se

Laraz raha tha wo zindaan aah o girya se
ye bole abid e muztar ghareeb e zahra se
chhudau kaise?
chhudau kaise mai sar aapka sakina se?
mili hai kitne dino baad apne baba se
bohot ghareeb hu ye ghum utha na paunga
bahan ki god se mai sar chhuda na paunga

Sar e hussain chhudaya jo Ya Ali keh kar
kaha sakina se tum par salam aye khwahar
na jaane kitne hai ehsaan aapke mujhpar
ye bhai kaise utarega qabr ke andar
ye dekho jakda hai zanjeer mein humara badan
tumhara laasha na bhai se uth sakega bahan

Sitamgaro ne jo karbobala mein bandhi thi
gale mein hogayi paywast haye wo rassi
chhini thi baliya'n, hai kaan aaj bhi zakhmi
sitam ki hadd ye hui aap margayi pyaasi
ayaa'n hai chehre pa ab tak nishaa'n tamacho ke
chupau kaise bhala mai ye neel gaalo ke

Woh raahe shaam woh ghurbat bhulau mai kaise?
ek aisa mod tha ghazi ka sar tha naize pe
jab unke saamne laakar pakad ke baalo se
tamache maare the zalim ne tumko has has ke
laeen kehta tha abbas ab na aayega
nahi hai koi jo durro se ab bachaega

Pukari laashe sakina pe zainab e muztar
ye karbala mein qayamat guzar gayi tumpar
phuphi ke saath khadi dekhti rahi manzar
chalaya bhai ke sukhe gale pe jab khanjar
kaha ye bhai ne, do mera saath aye zainab
rakho sakina ki ankho'n pe haath aye zainab

Phuphi bhatije se kehti thi mat karo faryaad
tumhara saath mai deti hu sayyed e sajjad
padi hai hum pe qayamat se bhi badi uftaad
tumhari tarha mere haath bhi nahi azaad
hai ab ye shaam ka zindaan hi watan iska
yehi jala hua kurta hai, ab kafan iska

Kaha ye saniye zahra ne bibiyo aao
janaza bali sakina ka saath uthwao
jo apne baba ko roti thi usko dafnao
nahi hai pani to turbat pe ashk barsao
wo raat aayi thi zeeshan aur raza kaisi
lahad mein so gayi beti ghareeb e zahra ki..(2)

Khwab Mein Zahra Ny Baba Ko Jo Dekha Aik Shab
Khush Huin Paas Mein Baba Ky Chali Jaun Gi Ab
Haye Rony Lagi Bachon Ka Khayal Aa Gaya Jab
Yeh Khabar Hi Na Hui Paas Hussain Aa Gaye Kab
Amman Dhunden Gy Kahan Yad Agar Aayen Gi
Hum To Mar Jayen Gy Agar Aap Chali Jayen Gi

Maan Ny Jab Yeh Suna
Dil Tarhapny Laga
Pyar Karty Huye Fatima Ny Kaha
Dekho Hussain Mery Hussain
Aisy Nahi Kehty

Dekho Hussain Mery Hussain
Aisy Nahi Kehty

Maan Kisi Ki Hamesha Rahi Hai Kabhi
Main Bhi Bichri Thi Amman Sy Bachpan Mein Hi
Maan Ky Jany Ka Dukh To Bahut Tha Magar
Dekho Main Bhi To Bin Maan Ky Jeeti Rahi
Tum Ko Meri Qasam Tum Sy Bichrhy Jo Hum
Zabt Kana Hai Ay Laal Maan Ka Yeh Gham

Dekho Hussain Mery Hussain
Aisy Nahi Kehty

Haal Mainy Kisi Ko Sunaya Nahi
Khud To Roi Ali Ko Bataya Nahi
Mera Pehloo Shakista Hai Bas Is Liye
Apny Seeny Sy Tujh Ko Lagaya Nahi
Tooti Hain Paslian Kar Na Pai Bayaan
Kitni Takleef Mein Jee Rahi Hai Yeh Maan

Dekho Hussain Mery Hussain
Aisy Nahi Kehty

Mujh Ko Maloom Hai Mery Noor E Nazar
Pyas Lagti Hai Tum Ko Bahut Raat Bhar
Pyas Sehny Ki Adat Bhi Dalo Zara
Pyasa Rehna Parhy Kab Kahan Kya Khabar
Pyas Tum Ko Lagy Aur Na Pani Mily
Yeh Dua Hai Keh Wo Din Na Aaye Kabhi

Dekho Hussain Mery Hussain
Aisy Nahi Kehty

Ay Mery Dil Mery Chain Mery Haseen
Na Pareshan Ho Maan Abhi Hai Yaheen
Dekho Marny Ki Ab Bat Karna Nahi
Maot Sy Pehly Hum Mar Na Jayen Kaheen
Tum Ho Duniya Meri Tum Sy Hai Zindagi
Tum Ko Dekhun To Chalti Hain Sansen Meri

Dekho Hussain Mery Hussain
Aisy Nahi Kehty

Tum Ko Khana Bhi Fizza Khilaye Gi Ab
Aur Sawerey Wohi Munh Dhulaye Gi Ab
Tum Jahan Jao Gy Sath Jaye Gi Woh
Sath Maan Ki Tarah Woh Nibhaye Gi Ab
Paly Gi Ab Wohi Zidd Na Karna Koi
Khush Raho Gy To Maan Ko Bhi Ho Gi Khushi

Dekho Hussain Mery Hussain
Aisy Nahi Kehty

Din Woh Aaya Keh Jab Chal Basi Fatima
Maan Ki Maiyat Py Shabbir Ny Di Sada
Tum Bulao Gi To Pas Aaun Ga Main
Tooty Bandy Kafan Fatima Ny Kaha
Aa Ja Ay Meri Jaan Tujh Py Qurban Maan
Jab Hussain Aa Ky Lipty To Boli Yeh Maan

Dekho Hussain Mery Hussain
Aisy Nahi Kehty

Ay Raza Aur Zeeshan Dill Tham Lo
Ro Ky Shabbir Kehty Thy Amman Suno
Dekho Tum Ny Bulaya To Main Aa Gaya
Jab Bulaun Ga Aao Gi Wada Karo
Maan Ny Wada Kiya Beta Chup Ho Gaya
Jab Janaza Utha Phir Na Aai Sada

Mere Hussain

Khwab Mein Zahra Ny Baba Ko Jo Dekha Aik Shab
Khush Huin Paas Mein Baba Ky Chali Jaun Gi Ab
Haye Rony Lagi Bachon Ka Khayal Aa Gaya Jab
Yeh Khabar Hi Na Hui Paas Hussain Aa Gaye Kab
Amman Dhunden Gy Kahan Yad Agar Aayen Gi
Hum To Mar Jayen Gy Agar Aap Chali Jayen Gi

Maan Ny Jab Yeh Suna
Dil Tarhapny Laga
Pyar Karty Huye Fatima Ny Kaha
Dekho Hussain Mery Hussain
Aisy Nahi Kehty

Dekho Hussain Mery Hussain
Aisy Nahi Kehty

Maan Kisi Ki Hamesha Rahi Hai Kabhi
Main Bhi Bichri Thi Amman Sy Bachpan Mein Hi
Maan Ky Jany Ka Dukh To Bahut Tha Magar
Dekho Main Bhi To Bin Maan Ky Jeeti Rahi
Tum Ko Meri Qasam Tum Sy Bichrhy Jo Hum
Zabt Kana Hai Ay Laal Maan Ka Yeh Gham

Dekho Hussain Mery Hussain
Aisy Nahi Kehty

Haal Mainy Kisi Ko Sunaya Nahi
Khud To Roi Ali Ko Bataya Nahi
Mera Pehloo Shakista Hai Bas Is Liye
Apny Seeny Sy Tujh Ko Lagaya Nahi
Tooti Hain Paslian Kar Na Pai Bayaan
Kitni Takleef Mein Jee Rahi Hai Yeh Maan

Dekho Hussain Mery Hussain
Aisy Nahi Kehty

Mujh Ko Maloom Hai Mery Noor E Nazar
Pyas Lagti Hai Tum Ko Bahut Raat Bhar
Pyas Sehny Ki Adat Bhi Dalo Zara
Pyasa Rehna Parhy Kab Kahan Kya Khabar
Pyas Tum Ko Lagy Aur Na Pani Mily
Yeh Dua Hai Keh Wo Din Na Aaye Kabhi

Dekho Hussain Mery Hussain
Aisy Nahi Kehty

Ay Mery Dil Mery Chain Mery Haseen
Na Pareshan Ho Maan Abhi Hai Yaheen
Dekho Marny Ki Ab Bat Karna Nahi
Maot Sy Pehly Hum Mar Na Jayen Kaheen
Tum Ho Duniya Meri Tum Sy Hai Zindagi
Tum Ko Dekhun To Chalti Hain Sansen Meri

Dekho Hussain Mery Hussain
Aisy Nahi Kehty

Tum Ko Khana Bhi Fizza Khilaye Gi Ab
Aur Sawerey Wohi Munh Dhulaye Gi Ab
Tum Jahan Jao Gy Sath Jaye Gi Woh
Sath Maan Ki Tarah Woh Nibhaye Gi Ab
Paly Gi Ab Wohi Zidd Na Karna Koi
Khush Raho Gy To Maan Ko Bhi Ho Gi Khushi

Dekho Hussain Mery Hussain
Aisy Nahi Kehty

Din Woh Aaya Keh Jab Chal Basi Fatima
Maan Ki Maiyat Py Shabbir Ny Di Sada
Tum Bulao Gi To Pas Aaun Ga Main
Tooty Bandy Kafan Fatima Ny Kaha
Aa Ja Ay Meri Jaan Tujh Py Qurban Maan
Jab Hussain Aa Ky Lipty To Boli Yeh Maan

Dekho Hussain Mery Hussain
Aisy Nahi Kehty

Ay Raza Aur Zeeshan Dill Tham Lo
Ro Ky Shabbir Kehty Thy Amman Suno
Dekho Tum Ny Bulaya To Main Aa Gaya
Jab Bulaun Ga Aao Gi Wada Karo
Maan Ny Wada Kiya Beta Chup Ho Gaya
Jab Janaza Utha Phir Na Aai Sada

Mere Hussain