noke sina ke upar kehta tha farqe sarwar
ghar lutgaya hai mera maara gaya baradar
amma ghareeb hoo mai
asghar ke khoon se maine dekho wazoo kiya hai
is imtehan may usne bhi surkh roo kiya hai
iski lehad banakar
amma ghareeb hoo....
mai kis khadar hoo pyasa amma batun kyun kar
sookha gala tha itna chalta nahi tha khanjar
qabze may rakhke kausar
amma ghareeb hoo....
mai kaisa baap tha jo ay daure imtehani
roti rahi sakina mai de saka na pani
aaye yaqeen na kyun kar
amma ghareeb hoo....
barchi jawan pisar ke seene se mai ne khaynchi
ansar o aqraba ki qasim ki laash dekhi
ibne ameer hokar
amma ghareeb hoo....
ghodon ke daudne se pamaal ho chuka hoo
kya ab bhi mai wohi hoo hairan hoo sochta hoo
naaqa bane payambar
amma ghareeb hoo....
aap aagayi hai amma yaad aa raha hai bachpan
wo saath saath chalna aur apne ghar ka aangan
ab khaak ka hai bistar
amma ghareeb hoo....
dil gham se chaak bhi hai zakhmo may khaak bhi hai
udthi hui nazar may qaimo ki raakh bhi hai
zainab ka hai khula sar
amma ghareeb hoo....
rehaan phat na jaye ahle aza ka seena
bas rokle yahin par shabbir ka ye nauha
sab ro rahe hai sunkar
amma ghareeb hoo....
bolay padar se akbar barchi na khaynchna
hai jaan ab labon par barchi na khaynchna
baba nazar ko phayr lo dum tootne laga
barchi ke phal se khoon hai dil ka ruka hua
ubhlega khoon zameen par barchi na khaynchna
bolay padar se akbar....
maine tumhay bulaaya tha taake mai keh sakun
bilkul na gham karo dil ko hai ab sukoon
baithe raho yahan magar barchi na khaynchna
bolay padar se akbar....
amma ko ye khabar na ho mere sina lagi
ghash aagaya hai bas zara shiddat ki pyas ki
mai aa raha hoo jao ghar barchi na khaynchna
bolay padar se akbar....
bolay hussain baap ko behla rahe hai aap
maloom hai ke yan se kahan ja rahe hai aap
kehte ho moo ko phayr kar barchi na khaynchna
bolay padar se akbar....
saansein ukhad rahi to madham hai nafz bhi
karte ho aah humko hai takeed sabr ki
kehte ho thaam ke jigar barchi na khaynchna
bolay padar se akbar....
akbar pukare baap se dil ko sambhaliye
tooti sina kaleje may rehne hi dijiye
niklega saath may jigar barchi na khaynchna
bolay padar se akbar....
maula ne ya ali kaha dil ko sambhaal kar
phir khud hi ladkhada gaye barchi nikaal kar
kehta raha jawan pisar barchi na khaynchna
bolay padar se akbar....
rehan saath barchi ke dil bhi nikal pada
padthe rahe hussain bhi ta dayr marsiya
maa kehti aayi nange sar barchi na khaynchna
bolay padar se akbar....
mehendi laga ke qasim maqtal ko ja rahe hai
armaan maa phupi ke aansoo baha rahe hai
dholi gayi thi mehendi behno ke aansuon se
pani na tha mayassar haye haye kayi dino se
sookhe hue labon ke chehre bata rahe hai
mehendi laga ke qasim....
abbas ne sajaya akbar se sehra baandha
shadi ke ghar may ya rab ye kaisa waqt aaya
baraat walay saare sar ko kata rahe hai
mehendi laga ke qasim....
poshak hai uroosi naushah ke badan par
lekin ye surkh dhabbe kal thay kisi kafan par
manzar wo karbala may dohraye ja rahe hai
mehendi laga ke qasim....
roohe hassan ne aakar kaisa ye haal dekha
tukdo may haye kaise khud apna laal dekha
apne jigar ke tukde phir yaad aa rahe hai
mehendi laga ke qasim....
newa jo hogaye hai ibne hassan ki dulhan
ashkon se shahe wala apna bhigo ke daman
dulhan ke sar pe misle chadar udha rahe hai
mehendi laga ke qasim....
sajjad ghash se uthkar ek ek se poochte thay
shaadi ke ghar may sab ke uthre hue hai chehre
kya cheez ran se baba daaman may la rahe hai
mehendi laga ke qasim....
khushboo hena ki ab tak maujood hai faza may
dulhan to be-khabar hai masroof hai dua hai
damaad ka janaza shabbir la rahe hai
mehendi laga ke qasim....
rehan aur raza ye gham shahe nainawa ka
ek aisa saneha hai maidan e karbala ka
har saal ahle matam jisko mana rahe hai
mehendi laga ke qasim...
zainab meri bachi ka rakhna khayal
ye sakina jo hai mere dil ka sukoon
baad mere bahaye aankhon se khoon
khaak par soyegi is qadar royegi
mil na payegi ab hum se mar kar kabhi
zainab meri bachi....
kamsini bekasi aur ye tashnagi
aur uspar aziyat tamachon ki bhi
seh na payegi ye gham uthayegi ye
humse maqtal may milne ko aayegi ye
zainab meri bachi....
khoon tapkega kano se bhi is qadar
hoga daman meri shahzadi ka tar
zakhm dil may liye ashk kab tak piye
ay behan ay behan tum khuda ke liye
zainab meri bachi....
apne pehlu may shab ko sulana isay
khud na jaage to tum na jagana isay
hai meri ilteja mai to marne chala
badhne dena na rassi may iska gala
zainab meri bachi....
baad e abbas pani ye maaange agar
apne seene se liptake tum iska sar
ay behan nohagar karke aanchal ko tar
rakhna pyasi sakina ke ruqsaar par
zainab meri bachi....
pa barehna safar ki ye aadi nahi
shaam ki raah may hogi jalti zameen
jab ye paidal chale paon jalne lagay
apni godhi may lekar lagana galay
zainab meri bachi....
shimr nazdeek na aaye iske kabhi
ussay darti bahot hai meri laadli
wo hai itna shaki kam hai haiwan bhi
zulm dhaye na wo dekho is par kabhi
zainab meri bachi....
isko maange kaneezi may koi agar
taygh khutbo ki darbar may khaynch kar
hona seena sitam ghaiz ki ho nazar
girna kehre khuda banke darbar par
zainab meri bachi....
gham se rehaan hota hai tukde jigar
ay raza guzri kya hogi abbas par
haye zindan may gham ke toofan may
aayi hogi sada sheh ki jab kaan may
zainab meri bachi....
rauze pe nabi ke aake, shano ke neel dihkake
zainab ye buka karti thi
haye nana shaam ne maar diya hai
dukh sham e ghariban ke sehkar zinda rahi ghazi ki khwahar
jab barse aseero par pathar sar ghazi ka naize se gira
shaam ne maar diya hai
haye nana....
akbar ka jigar chalni dekha saabir ki behan ne sabr kiya
durro se badan zakhmi tha mera mai chup thi magar mehboob e khuda
shaam ne maar diya hai
haye nana....
jab aun o mohamed qatl hue shabbir utha laaye laashe
mai shukr ke karti thi sajde sar ooncha mera bachon ne kiya
shaam ne maar diya hai
haye nana....
daman may utha kar jab shaahe huda jab qasim ka laaye laasha
chup chup ke kiya maine girya gham apna kabhi zaahir na kiya
shaam ne maar diya hai
haye nana....
kyun mar na gayi ab sochti hoo abid ka baha jab aankh se khoon
zinda rahi mai bechain o sukoon sham aagaya jis dam maine suna
shaam ne maar diya hai
haye nana....
tar khoon may hua asghar ka gala tha teer bhi uske khad se bada
bano ko dilaasa maine diya karti rahi mai be-taygh [wigha]
shaam ne maar diya hai
haye nana....
us shehre sitam may ay nana kya tumse kahoo kya haal hua
fizza ko kisi ne kuch na kaha durro ki mili zainab ko saza
shaam ne maar diya hai
haye nana....
sughra ne sakina ko poocha mai kya kehti rone ke siwa
jab usne bahot majboor kiya tab sar ko jhukaye maine kaha
shaam ne maar diya hai
haye nana....
jo sher e khuda ki beti thi abbas ke tewar rakhti thi
jo maut se bhi ek pal na dari us bibi ko rehaan o raza
shaam ne maar diya hai
haye nana....
rauze pe nabi ke aake, shano ke neel dihkake
zainab ye buka karti thi
haye nana shaam ne maar diya hai
dukh sham e ghariban ke sehkar zinda rahi ghazi ki khwahar
jab barse aseero par pathar sar ghazi ka naize se gira
shaam ne maar diya hai
haye nana....
akbar ka jigar chalni dekha saabir ki behan ne sabr kiya
durro se badan zakhmi tha mera mai chup thi magar mehboob e khuda
shaam ne maar diya hai
haye nana....
jab aun o mohamed qatl hue shabbir utha laaye laashe
mai shukr ke karti thi sajde sar ooncha mera bachon ne kiya
shaam ne maar diya hai
haye nana....
daman may utha kar jab shaahe huda jab qasim ka laaye laasha
chup chup ke kiya maine girya gham apna kabhi zaahir na kiya
shaam ne maar diya hai
haye nana....
kyun mar na gayi ab sochti hoo abid ka baha jab aankh se khoon
zinda rahi mai bechain o sukoon sham aagaya jis dam maine suna
shaam ne maar diya hai
haye nana....
tar khoon may hua asghar ka gala tha teer bhi uske khad se bada
bano ko dilaasa maine diya karti rahi mai be-taygh [wigha]
shaam ne maar diya hai
haye nana....
us shehre sitam may ay nana kya tumse kahoo kya haal hua
fizza ko kisi ne kuch na kaha durro ki mili zainab ko saza
shaam ne maar diya hai
haye nana....
sughra ne sakina ko poocha mai kya kehti rone ke siwa
jab usne bahot majboor kiya tab sar ko jhukaye maine kaha
shaam ne maar diya hai
haye nana....
jo sher e khuda ki beti thi abbas ke tewar rakhti thi
jo maut se bhi ek pal na dari us bibi ko rehaan o raza
shaam ne maar diya hai
haye nana....
No comments:
Post a Comment