Shia Link Nauhe: Syed Mohammad Shah

Aaiye Aaiye Ya Imam E Zaman
Muntazir Hai Tera Ab Ye Sara Jahan
Arahi Hai Imam E Zaman Ki Sada
Ab Mere Pas HaiÂ
Mere Dada Ali Ka Har Ek Mojza
Ab Mere Pas HaiÂ

Mere Sar Pe Muhammad Ki Dastaar Hai
Mere Pehlu Main Haider Ki Talwar Hai
Nutke Hasnain Se Meri Guftar Hai
Mera Kirdar Zahra Ka Kirdar Hai
Panjetan Jis Main Shamil Hue Wo Kisa

Zulfiqar E Ali Hath Main Tol Kar
Ran Main Utrun Ga Ya Syeda Bol Kar
Zulm Rakh Doon Ga Matti Main Main Rol Kar
Sar Uraon Ga Aada Ke Jee Khol Kar
Meri Dadi Ki Khushiyon Ka Har Faisla

Lashkar E Shah E Deen Phir Banao Ga Main
Teen So Tera Salar Paon Ga Main
Hasrat E Jang Puri Nibhaon Ga Main
Sath Abbas KÛ Apne Laon Ga Main
Binte Zahra Ka Sab Se Bara Ba Wafa

Chand Do Neem Kar Ke Dikhaon Ga Main
Phir Se Taare Ko Dar Par Bulaon Ga Main
Kaise Palta Tha Suraj Baataon Ga Main
Murtajiz Ko Hawa Par Chalaon Ga Main
Mere Kunbe Ne Jo Mojza Bhi Kiya

Leke Quran Haqiqi Main Khud Aon Ga
Sari Tafseer Aakar Main Jhutlaon Ga
Jhoote Hafiz Hain Ye Sab Ko Batlaon Ga
Makki Madni Ki Tafreek Smjhaon Ga
Dast E Haider Ka Quran Likha Hua

Ek Manadi Yehi Hai Meri Ghaib Se
Masjidon Main Bichao Musalle Mere
Jo Na Naam E Ali Ka Tashhood Parhe
Uske Sajde Bhi Sajde Na Kehlaye Ge
Aisi Sari Namazon Ka Har Faisla

Gham Ke Ansoo Ho Ya Jashn Ki Ho Khushi
Kon Dega Kahan Kis Tarhan Hazri
Jis Ki Qismat Main Likhun Ga Main Nokri
Bas Lagaye Ga Wo Naara E Haideri
Han Wila Aur Aza Ki Jaza Aur Saza

Ye Madina Najaf Shaam Aur Karbala
Kazmain O Balad Mashad O Samrah
Mere Ajdad Ke Shehron Ka Silsila
Main Muhafiz Hoon Khud Apni Jageer Ka
Is Fidak Ki Hifazat Ka Har Silsila

Ghaib Se Keh Rahe Hain Woh Akber Yehi
Aye Azadaron Taiyar Rehna Sabhi
Aake Pehle Banao Ga Turbat Wohi
So Rahi Hai Jahan Tanha Binte Nabi
Unka Roza Banane Ki Har Ek Dua

Chala Hoon Janib E Kaba Hussain Kehte Hue
Khuda Se Aj Milun Ga Hussain Kehte Hue

Sipahi Dourte Jate Hain Janib E Kufa
Panah Mang Rahe Thy Ke Kholo Darwaza
Kiya Hai Ghazi Ne Hamla Hussain Kehte Hue

Pul E Siraat Ka Dar Ho Tou Ho Bhala Kaise
Zamana Dekh Le Ashur Karbala Ja Ke
Guzarti Jati Hai Duniya Hussain Kehte Hue

Karein Ge Khoon Ka Matam Ba Roz E Ashura
Khuda Se Hum Ko Isi Wastay Tou Manga Gaya
Humein Hai Maaon Ne Paala Hussain Kehte Hue

Adhura Chor Ke Hajj Karbala Jo Aaye Thy
Khare Hain Gird Woh Bint E Ali Ke Khaime Ke
Tawaf Karte Hain Pura Hussain Kehte Hue

Kaha Hussain Ne Marna Nahi Habib Abhi
Ke Karbalaa Mein Zarorat Pare Gi Mujh Ko Teri
Habib Hogaya Zinda Hussain Kehte Hue

Agar Ho Ahle Tawalla Mitaao Ye Tafreeq
Namaz Ho Ya Aza Mil Ke Honge Saare Shareek
Uthao Tum Bhi Qama Ya Hussain Kehte Hue

Yehi Waseela Hai Saari Duaon Ka Behtar
Pukaro Bhai Ko Bhai Ka Wasta De Kar
Hasan Se Maang Lo Sadqa Hussain Kehte Hue

Tamam Ghar Hua Khushiyon Se Aj Baagh O Bahar
Pidar Ke Samne Boli Hai Beti Pehli Baar
Sakina Aayi Hai Baba Hussain Kehte Hue

Hai Mera Sher Wasiyat Ba Naam E Ahle Aza
Ye Ilteja Hai Ke Akbar Ko Aaye Jab Bhi Qaza
Uthana Mera Janaza Hussain Kehte Hue

Chauda Masoomo Ka Jis Ko Irfan Hai Aik Salman Hai
Daswein Darje Pe Aur Kiska Eman Hai Aik Salman Hai

Jis Ki Sachayi Par Asman Ta Zameen Sare Hairat Main Hai
Wo Abuzar Bhi Khud Jis Pe Hairan Hai Aik Salman Hai

Wo Thy Mohtaj Angoshtari Ke Magar Ye Rahe Be Niyaz
Farq Khud Dekhiye Ik Suleman Hai Aik Salman Hai

Aur Hai Kon Jis Se Main Baatein Karun Dil Ko Halka Karun
Chaar Soo Jo Bhi Hai Wo Muslaman Hai Aik Salman Hai

Aise Khud Ko Na Uljha Zara Ja Ke Us Shakhs Se Baat Kar
Tu Nusari Bhala Kyun Pareshan Hai Aik Salman Hai

Marifat Ke Liye Teen Cheezon Ko Chore Gaye Hain Nabi
Aik Hai Ahlebait Aik Quran Hai Aik Salman Hai

Aik Allah Uski Haqeeqat Smajhna Tou Mumkin Nhi
Ye Bhi Kafi Hai Gar Tera Eman Hai Aik Salman Hai

Ye Wazifa Parho Aur Bacha Lo Aqeede Ko Tum Shirk Se
Aik Salman Hai Aik Salman Hai Aik Salman Hai

Main Mazameen Midhat Ke Leta Hoon Haider Us He Zaat Se
So Mere Wastay Madha Asan Hai Aik Salman Hai

Syeda Tahira Raziya Marziya
Dehr Main Aamad E Syeda Ho Gayi
Nasl E Saddat Ki Ibtida Ho Gayi

Le Ke Hathon Main Zahra Ko Bole Nabi
Aj Puri Meri Har Dua Ho Gayi

Rotiyan Sath Zahra Ke Taqseem Ki
Fizza Bhi Shamil E Hal Atta Ho Gayi

Fatima Mera Hisa Hai Bole Nabi
Yani Zahra Rasool E Khuda Ho Gayi

Jo Nabi Se Lara Wo Jahanum Gaya
Jo Ali Se Lari La Pata Ho Gayi

Keh Ke Umme Abiha Nabi Ne Kaha
Meri Beti Meri Amna Ho Gayi

Teri Chadar Hai Arsh E Ullah Syeda
Baat Roshan Ye Roz E Kisa Ho Gayi

Aya Ghazi Tou Zahra Ki Ayi Sada
Mere Mohsin Ki Zahir Wafa Ho Gayi

Dekh Rumaal E Zahra Ka Aijaaz Dekh
Hur Ki Mitti Bhi Khaak E Shifa Ho Gayi

Ab Namaazon Ka Kya Faida Shaikh Ji
Ap Se Majlis E Sheh Qaza Ho Gayi

Tujh Ko Matam Ki Khatir Banaya Gaya
Zindagi Teri Kimaat Ada Ho Gayi

Maine Akbar Kiya Shukar E Zahra Ada
Nasl Meri Jo Mehw E Azza Ho Gayi

Har Ik Baat Hijabaat Ki Sunata Hoon
Jo Mustafa Se Suna Hai Wohi Sunata Hoon
Diya Hai Izn Mujhe Bhi Janab-e-Meesum Ne
Farishto Aao Main Tum Ko Ali Sunata Hoon
Ali Suno, Ali Suno Bas Ali Suno
Jo Aaj Tak Nahi Suna Suno Woh Aaj Hi Suno

Khuda Ke Ghar Ki Samt Jab Ali Ki Walida Barhi
Haram Ki Ik Jidar Ne Ali Ki Manqabat Parhi
Woh Jis Ka Intezar Tha Woh Raat Aa Gayi Suno

Sajod Se Kahin Boland Iss Ka Ayhteram Hai
Khuda Hi Janta Hai Iss Ali Ka Kya Maqam Hai
Zameen Pe Jis Ke Wastay Batool Aa Gayi Suno

Sifaat Apni Dein Haram Issi Ke Naam Kar Diya
Khuda Ne Apna Naam Bhi Ali Ke Naam Kar Diya
Khuda Ke Pas Kuch Nahi Ali Se Qeemati Suno

Kalam-e-Kibriya Bhi Our Zaban-e-Kibriya Hai Yeh
Khuda-o-Mustafa-o-Jibreel Ko Pata Hai Yeh
Hai Kaun Bhaijta Raha Rasool Par Wahi Suno

Hasan Hussain Par Bhi Hai Rasool Par Bhi Farz Hai
Yeh Aisa Wajib Hai Keh Jo Batool Par Bhi Farz Hai
Issi Gawahi Se Har Ik Nabi Howa Nabi Suno

Kiya Hai Oss Ne Arsh Pe Ada Youn Haq-e-Fatima
Abhi Zameen Par Nuzool-e-Syeda Nahi Howa
Sana-e-Fatima Ali Ne Loh Par Likhi Suno

Bana Hoon Jis Ke Wastay Woh Raaz Parh Raha Hoon Mein
Azal Se Bas Yeh Ishq Ki Namaz Parh Raha Hoon Mein
Hai Soam Bhi Salat Bhi Hai Hajj Mera Yehi Suno

Naseeb Ke Nahi Hain Yeh Nasab Ke Hi Qasoor Hain
Hain Shajrey Jin Ke La Pata Ali Se Door Door Hain
Har Aik Ko Mili Nahi Ali Ki Dosti Suno

Ho Arsh Par Tu Loh Our Qalam Hai Iss Ke Hath Mein
Ho Farsh Par Tu Taig Our Alam Hai Iss Ke Hath Mein
Ali Ke Hath Mein Hai Zindagi Bhi Maut Bhi Suno

Aye Mohsin Iss Ko Bant De Yeh Saaton Ka Rizq Hai
Yeh Nemat-e-Azeem Hai Samaton Ka Rizq Hai
Ali Ka Zikar Hi Faqat Giza Hai Rooh Ki Suno

Ali Banatay Hain Maula Ali Banatay Hain
Khuda Ke Hathon Se Duniya Ali Banatay Hain

Faqat Woh Chodah Hain Jin Ko Khuda Banata Hai
Hain Jo Bhi In Ke Elawah Ali Banatay Hain

Yeh Baat Khilqat e Aadam Se Ho Gayi Sabit
Koi Nabi Nahi Banta Ali Banatay Hain

Munafiqeen Ki Mujh Ko Khabar Nahi Lekin
Halal Zadoon Ka Chehra Ali Banatay Hain

Hai Mere Gayarah Imamo Pe Bhi Ali Wajib
Unhein Imam e Zamana Ali Banatay Hain

Qaleel Ho Ke Ibadat Bhi Kam Nahi Hoti
Hamare Kam Ko Zyada Ali Banatay Hain

Hai Aks Terah Rajab Ka Hi Chaar Shabaan Mein
Ali Shareek Bhi Apna Ali Banatay Hain

Ali Ka Naam Tashahud Mein Rooh Phonkta Hai
Meri Namaz Ko Zindah Ali Banatay Hain

Hussain Ke Liye Abbas Ki Zarorat Hai
Ba Hukam e Fatima Zahra Ali Banatay Hain

Haram Ko Qibla Banaya Tu Is Mein Hairat Kya
Hamari Qabar Ko Kaba Ali Banatay Hain

Mubahlay Mein Yeh Kis Ka Hai Naqsh e Pa Mohsin
Keh Jis Ka Khak Pe Pardah Ali Banatay Hain

Hai Hamd Ali Alhamd Ali
Walasar Ali Walfajr Ali Walqamr Ali Walqadr Ali
Eman Ali Quran Ali Hai Surah e rehman Ali

Hai Raaz Ali Humraaz Ali Tasweer Ali Awaz Ali
Idrak Se Bhi Bala Ali Aali Hai Ali Aala Ali
Wo Bus Ali Hai
Ye Bhi Ali Hai Wo Bhi Ali Hai

Yehi Nahi Keh Daron-E-Kaba Ali Mile Ga
Hatay Jo Mairaj Ka Yeh Pardah Ali Mile Ga

Bata Rahi Hai Rajab Ki Terah Ali Mile Ga
Zameen Walon Se Arsh Wala Ali Mile

Khuda Se Milna Tumhare Bas Mein Nahi Hai Lekin
Tumhari Zid Hai Tu Aao Mosa Ali Mile Ga

Batool Ke Hath Par Lakeerein Nahi Milein Gi
Har Ik Hatheli Pe Sirf Likha Ali Mile Ga

Rasool Jaein Gay Arsh Par Kibriya Se Milne
Wahan Bhi Unn Ko Hamara Maula Ali Mile Ga

Na Rook Paye Ga Oss Ko Mansab Ka Koi Lalach
Khuda Ne Hur Se Kiya Hai Wadah Ali Mile Ga

Jo Hath Dhondney Ga Koi Aadam Bananey Walay
Tu Oss Ko Hath Our Khuda Ka Chehra Ali Mile Ga

Yeh Daar Meesum Ko Eid Ka Chand Lag Rahi Hai
Ussay Yaqeen Hai Ossay Dobarah Ali Mile Ga

Hamarey Nazdeek Bas Woh Utna Ameer Hoga
Khuda Ki Janib Se Jis Ko Jitna Ali Miley Ga

Sana-E-Haider Kahan Koi Likh Sakay Ga Mohsin
Wohi Likhe Ga Jisay Aqeeda Ali Miley Ga

Tasveer E Syeda Hai Imam E Raza Ke Pass
Masooma Fatima Hai Imam E Raza Ke Pass

Jibreel Jaa Ke Puch Le Zair E Kisa Tha Kon
Tatheer Ki Rida Hai Imam E Raza Ke Pass

Qaleen Kaise Shair Bana Tha Ye Puchne
Har Ik Nabi Gaya Hai Imam E Raza Ke Pass

Aadam Hai Ye Ya Moosa Hai Na Jane Kon Hai
Nobat Baja Raha Hai Imam E Raza Ke Pass

Maula Ke Dastakhat Se Ye Jaye Ga Arsh Tak
Sajdah Abhi Gaya Hai Imam E Raza Ke Pass

Is Ko Maseeha Mannay Walon Ko Kya Khabar
Essa Ki Khud Shifa Hai Imam E Raza Ke Pass

Kaba Tou Ik Makaan Hai Pata La Makan Ka
Ya Karbala Mein Hai Ya Imam E Raza Ke Pass

Debal Bata Gaya Hai Ke Akbar Tera Kalam
Likha Hua Para Hai Imam E Raza Ke Pass

Woh Ghar Ke Jis Mein Har Koi Aala Dikhayi De
us Ghar Mein Bhi Bas Aik He Zahra Dikhayi De

Aa Jata Hai Batool Ki Chokhat Pe Jibraeel
Jab Chahta Hai Arsh e Mualla Dikhayi De

Qurban Bait e Zahra Pe Sari Bulandiyan
Dar Jis Ka Koh e Toor Se uncha Dikhayi De

Chandi Ka Kya Hai Fizza Agar Fatima Kahe
Mati Bhi Tere Hath Mein Sona Dikhayi De

Aye Daman e Batool Taharat Tere Nisar
Aanchal Tera Ali Ko Musalla Dikhayi De

Aye Zulfiqar Kon Si Aankhein Hain Tere Pas
Mehshar Talak Ka Har Tujhe Shajrah Dikhayi De

Jitna Dar e Batool Se Mil Jaye Ilm e Gaib
Nabiyon Ko Bhi Bas itna Zamana Dikhayi De

Do Lafz Parh Liye Tou Ye Aalam Guror Ka
Mulla Ye Chahta Hai Ke Maula Dikhayi De

Aise Hai Hur Ke Mathay Pe Romal e Fatima
Kabe Pe Jaise Kabe Ka Parda Dikhayi De

Akbar Woh Mustafa Ke Jo Ummat Ka Baap Hai
Zahra usay Bhi Umm e Abiha Dikhayi De

Khak Mein Khak e Bashar Phir Se Mila De Zahra
Apni Chaki Ko Agar Ulta Chala De Zahra

Koi Mosa Koi Salman Bana De Zahra
Raz e Tauheed Jisa Jitna Bata De Zahra

Chahe Tu Hur Ko Wo Romal Se Nori Kar De
Chahe Tu Khak Se Hawa Ko Bana De Zahra

Khak Se Hawa Banana Bhi Koi Mojza Hai
Ye Hunar Chahe Tu Fiza Ko Sikha De Zahra

Roz Kehte Hain Ali Rizq Ki Taqseem Ke Waqt
Riza Dena Hai Kisa Kitna Bata De Zahra

Murtajiz Ke Liye Aayat Na Utrein Kyun Kar
Apni Chadar Mein Jisa Roz Giza De Zahra

Abu Talib Ki Baho Aur Ali Ki Zojah
Haq Hai Kabe Pe Agar Tala Laga De Zahra

Qarz Shabeer Ka Utra Nahi Ab Tak Us Sa
Kaisa Allah Tere Qarz Chuka De Zahra

Farsh e Matam Pe Dua Mangi Hai Main Ne Akbar
Aansoon Ka Mujhe Aanso He Jaza De Zahra