Akraba kat gae jab shah ke baari baari – 2
Aur adam chalne ki us shah ne ki tayyari
Khaime ka parda utha, zainulleba ek baari
Dekh maqtal ki taraf karne laga yuun zaari
Khuld ke kooch me, ham ko nahi bulvaate ho – 2
Kaafle waalo hame chode chale jaate ho
Hay sheh ka naa raha koi bhi yaavar baki
Na alamdar rahe aur na lashkar baki
Na rahe kaasim-e-jarrar na akbar baki
Hai fakat Sibt-e-nabi ka sare anwar baki
Ham to baki hain gamo ranj uthaane ke lie - 2
Maut ne chhoda hame ashk bahane ke liye
Haay shabbir ke marne ki hai ab tayyari
Zakhm par zakhm hain tane sheh par kaari
Bhook me pyaas me gash aate hai sau-sau baari
Beech me ibne ali gird khade hai naari
Apni bimaari par sharminda pisar hota hai - 2
Katl ab saamne bete ke pidar hota hai
Haay baba ko mere koi bachaale aakar
Pher de laake gale par mere koi khanjar
Baad baba ke pisar ka nahi jina behtar
Baap to katl ho jita rahe ye khasta jigar
Ehle baite nabvi par ye jafaae hongi -2
Balvae aam me sar par na ridaae hongi
laash akbar ki jo maqtal se utha laaye hussain
nowjawan ko safe awwal se utha laaye hussain
chaand ko shaam ke baadal se utha laaye hussain
jaa'n ba lab sher ko jungle se utha laaye hussain
di sada laashe pisar aan ke leja baano
chid gaya barchi se akbar ka kalaija baano
laash akbar ki....
dekhle aakhri deedar pisar marta hai
saamne aankhon ke ye noore nazar marta hai
ab koi dam mein tera rashke kamar marta hai
mu'h se bahar hai zabaa tashna jigar marta hai
dum hai seene may ruka zakhmo'n se khoon jaari hai
haaye baano tere ghar lutne ki taiyaari hai
laash akbar ki....
pohchi khaime may jo hazrat ke ye purdard sada
muztarab hogayi namoose rasoole do sara
kaha chala ke sakina ne ke haye haye bhaiyya
fizza daudi suwe dar phaik ke sar par se rida
peet-ti zainab e muztar nikal aayi bahar
baano ghabra ke khule sar nikal aayi bahar
shaah ke kaandhe pe dekha ali akbar ko nidhaal
haath phayla ke ye chillai ke haye haye mere laal
kya ghazab hogaya aye baadshahe nek khesaal
raas aaya na mere bache ko atharwa saal
tukde tegho'n se badan hogaya saara haye haye
kaun tha jisne mere sher ko mara haye haye
roke banu se ye farmane lage sarware deen
sar na peeto abhi zinda hai mera maah jabeen
saans aati hai pa har dam hai dame baaz paseen
kooch unka bhi hai aur hum bhi hai marne ke qaree'n..(2)
sab chute ab na raha koi hamara baano
is jawaa'n bete ke gham ne hame maara baano
laash akbar ki jo...
ay chand karbala ke, tu ne to dekhe hongay
utray thay is zameen par, arshay bari ke taare
ay chand jalwagar hai hashim ka chand yan par
khairaat roshni ki lelijiyo yahan se
ay chand....
ay chand is zameen par rakhiyo hamesha thandaq
sotay jo hai yahan par zehra ke hai ye pyare
ay chand....
tasleem-o-salsabeelo kausar ke hai ye maalik
maare gaye jo pyase is nehr ke kanare
ay chand....
hur aur habeeb jaise jaanbaaz aur ahibba
maare gaye yaheen par ansaar shahe deen ke
ay chand....
maare gaye yaheen par be-dardiyo sitam se
zainab ke dono pyare muslim ke dono bete
ay chand....
pamaal ho rahi thi qasim ki laash ran may
abbas aur sarwar chunte thay unke tukday
ay chand....
baazu katay yaheen par abbas-e-bawafa ke
izne wagha na paaya pani bhi laa na paaye
ay chand....
is sar zameen pa guzra sarwar pa ye bhi sadma
seene pa khaayi barchi hamshakle mustufa ne
ay chand....
pani pilaane laaye ek mehlaka ko sarwar
ki ghazab hurmula ne teere sitam lagaake
ay chand....
gardan chidi pisar ki baazu chida padar ka
dono tadap tadap kar pyase jahan se guzre
ay chand....
is ban may ek bachi baba ko dhoondti thi
bikhre huwe paday thay jab sar bureeda laashar
ay chand....
phir yeh bhi tu ne dekha woh gham raseeda bachi
seene pa so rahi thi besar padar se lipte
ay chand....
baazu bandhay yaheen per pehle pahal haram ke
is sar zameen se niklay sajjad sar jhukaye
ay chand....
shehzadaye jina hi maalik hai karbala ka
kiski majaal aaye jab tak na wo bulaaye
ay chand....
pahuncha hai karbala may nacheez sibte jafar
ay kaash ke muqaddar humko ye din dikhaye
ay chand....
No comments:
Post a Comment