Shia Link Nauhe: Mir Hasan Mir (2018)

Marhaba..
Marhaba swalle a'laa
Aagaya shaban khushiyo'n ke zamane aagaye
Rone wale mehfilo'n mein muskurane aagaye

Kaun aaya hai zamee'n par banke zeenat baap ki
panjetan khud shauk mein jhoola jhulane aagaye

Pyaas bachpan mein bujhakar sheh ki ghazi ne kaha
dekhiye baba hame waade nibhane aagaye

May alam lekar chala to aayi ghazi ki sadaa
ho mubarak ab tumhe baazu katane aagaye

Dekhne sidra se aagey ke manazir jibra'eel
Fatema Zehra ke ghar chakki chalane aagaye

Shikwa qismat se na karna jaun se bole Husain
ab to raazi hai tujhe hum khud manane aagaye

Qabr me pohcha jo momin aayi baali se sadaa
aye farishto'n jao kyu isko jagane aagaye

Mai ne likkha tha fidak ki maalika tujhko salaam
ghaar mein kuch log mera ghar jalane aagaye

Dekhkar manzar najaf se karbala tak yu laga
jaise qayam ki hukumat ke zamaney aagaye

Is jaha'n mein aye takallum hum faqeer e buturab
dushman e zehra ko mitti mein milane aagaye
Marhabaa swalle a'laa

ALI MAULA.. (8)

ALI ALI ALI ALI MAULA..(2)

Aao tareekh sunaun mai shab e hijrat ki..(3)

Kis tarha saaye mein..(2)

Talwaro'n ke soye the ALI

Aao tareekh sunaun mai shab e hijrat ki..(2)

1) Tegh ki chaao'n me sona koi aasaan nahi

Kulle imaa'n hai ALI (aam musalmaan nahi)..(2)

Dusra hota to..(2), bedaar nahi hota kabhi

Aao tareekh sunaun mai shab e hijrat ki - 2

2) Chand se ye ABUTALIB ka qamar kehta tha

Aajki raat ibadat ka hai andaaz naya

Aaj ALLAH se..(2), sote hue batein hongi

Aao tareekh sunaun mai shab e hijrat ki -2

3) Bas yahi soch ke hamla nahi kar paate the

Saare kuffar (isharo'n me yahi kehte the)..(2)

Hai NABI soye hue..(2), jaaga hua hoga ALI

Aao tareekh sunaun mai shab e hijrat ki -2

4) Yehi siddeeq hai aur yehi amee'n hai logo'n

Kitna HAIDER pe bharosa hai NABI ko dekho

FATEMA sa jaisi..(2), amaanat bhi ALI ko dedi

Aao tareekh sunaun mai shab e hijrat ki - 2

5) Har jagah aake farishto'n ne kiya hai apna

So gaya bistar e AHMED pe AMEER E KAABA

Aaj kaabe ki tarha odh k kaali kamli

Aao tareekh sunaun mai shab e hijrat ki -2

6) Banke soyenge ALI aaj NABI hairat kya

Waqeya yaad karo sheb e ABITALIB ka

Inke bistar pe to..(2), sone k ALI hai aadi

Aao tareekh sunaun mai shab e hijrat ki -2

7) Aayatein karti hai aaj bhi ailan ALI

Shab e bedari teri (neend pe qurban ALI)..(2)

Tere sone se hui..(2), deen e KHUDA ki chandi

Aao tareekh sunaun mai shab e hijrat ki - 2

8) Mir Sajjad wo jab subha Madine ko chala

Rasta rokta aakar jo mere MOLA ka

Saare Makke me na..(2), tha itna bahadur koi

Aao tareekh sunaun mai shab e hijrat ki - 2

ALI MAULA..(4)

ALI ALI ALI ALI MAULA....

Ali…Ali Ali (2)
Ya Ali o Ya Ali o Ya Ali (4)

Shah-e-Marda’n Sher-e-Yazda’n Quwat-e-Parwardigar ..(2)
Lafata Illa Ali La Saif Illa Zulfiqar

Manqabat Padta Hain Teri..(2) Rabb e Akbar Ya Ali
Ya Ali Ya Ali Allah o Akbar Ya Ali
Allah o Akbar Ya Ali..(3)

1. Teri Thokar Mein Fanaa Hain, Teri Thokar Mein baqaa..(2)
Murda Kar Deti Hain Zinda..(2) Teri Thokar Ya Ali
Allah o Akbar Ya Ali
Allah o Akbar Ya Ali..(4)

2. Konsi Ne'mat Nahi Bete Ke Dastarkhwan Par..(2)
Khud Guzara Jow Ki Sukhi..(2) Rotiyo'n Par Ya Ali
Allah o Akbar Ya Ali
Allah o Akbar Ya Ali..(4)

3. Jannate Apni Banaakar Bechta Hai Sheher Mein..(2)
Yeh Hai Tere aathave(eighth)..(2) Darje Ka Nokar Ya Ali
Allah o Akbar Ya Ali
Allah o Akbar Ya Ali..(4)

4. Han Do Sagi Behno Ki Tarha Fatemah Aur Zulfiqar..(2)
Baat Karti Hai Tere..(2) Bare Main Aksar Ya Ali
Allah o Akbar Ya Ali
Allah o Akbar Ya Ali..(4)

5. Mard Bhi Deewar Shaq Dekhe Toh Hat Jaye Magar
Aage Badhti Ja rahi Hai..(2) Teri Madar Ya Ali
Allah o Akbar Ya Ali
Allah o Akbar Ya Ali..(4)

6. Dekh Kar Abbas Ko Siffin Mein Ladta Huwa..(2)
Khud Ali Kehne Lage..(2) Allah o Akbar Ya Ali
Allah o Akbar Ya Ali
Allah o Akbar Ya Ali..(4)

7. Sirf Aadam Hi Nahi Har Aadmi Ka Tha Wajood..(2)
Khak Thi Jo Aap Ki..(2) Mutthi Ke Andar Ya Ali
Allah o Akbar Ya Ali
Allah o Akbar Ya Ali..(4)

8. Naz'ake Alam Mein Yeh Zarra Nawazi Shukriya
Tum Takallum Ke Liye..(2) Khud Aaye Chal Kar Ya Ali
Allah o Akbar Ya Ali
Allah o Akbar Ya Ali..(4)

Ya Ali o Ya Ali o Ya Ali (2)

Ya hussain, ya hussain---hussain hussain
shah ast hussain, baadshah ast hussain
dee'n ast hussain, dee'n panah ast hussain
sar daad na daad, dast e dar dast e yazeed
haqqaq e binaye laa ilaah ast hussain

Faqeer ki sada hussain hai..(4)
jo bandagi ka naaz hai..(2)
haqeeqat e namaz hai,
wo banda e khuda hussain hai..(2)

1. Nazar hai khaimagaah par
zameen o aasmaan ki
sukoot mein hai zindagi
ghadi hai imtehaan ki
hai saans maut ki ruki..(2)
laraz rahi hai roshni
diya bujha raha hussain hai..(2)

2. Ae jaane wale ruk zara
udaas kyu hai is qadar
qalam hai uske haath mein
hussain se to baat kar
ye lauh phir banayega
tujhe pisar dilayega
khuda ka laadla hussain hai..(2)

3. Sumo se zuljanah ke
ye arsh kyu lipat gaya
falak pe mehr ruk gaya
faraat peeche hatt gaya
hai zalzala zameen ko..(2)
abhi to aasteen ko
ulatne jaa raha hussain hai..(2)

4. Falak pe likhe jaate the
naseeb kal ki baat thi
kareem ke zahoor se
rawish ye ab badal gayi
yehi pe hoga sab raqam..(2)
uthake lauh aur qalam
zamee'n pe aagaya hussain hai..(2)

5. Ameer ko salam kar
kisine jab ye di sada
pukara muslim e ali
mai qaid hu to kya hua
salam kyu karu ise..(2)
pata nahi hai kya tujhe
ameer bas mera hussain hai..(2)

6. Hussain ne ye tarbiyat
batool se hi paayi thi
bachali apne khoon se
wilayat e ali wali
gali gali, nagar nagar..(2)
ali ali hai ab magar
Ali ke lab pe ya hussain hai..(2)
Ya Hussain...

7. Ajab safar hai ishq ka
sukoon aablo'n mein hai
najaf se karbala talak
ye shor qaflo'n mein hai
chalo hussainiyo chalo..(2)
zara sa tez aur chalo
tumhe bula raha hussain hai

8. Wo apne dost ke liye
qaza ka sar utar de
majaal kya hai maut ki
habeeb ko jo maar de
hayaat maut layegi..(2)
palat ke ab to aayegi
zabaan de chuka hussain hai..(2)

9. Takallum e hussainiyat
ye uska inteqaam hai
ali ki laadli se ab
qaza ka sab nizam hai
bata rahi hai ye zamee'n..(2)
yazeediyat kahi'n nahi
jagah jagah pe
ya hussain hai, ya hussain, ya hussain hai

Husain baa'nt rahe hai, nijaat le jao
Batool baa'nt rahi hai, nijaat le jao

Husain baa'nt rahe hai, nijaat le jao
Kuch aansuo'n ke ewaz kayenaat le jao

Batool baategi sadqa hussain ka is raat
samet sakte ho jitna wo saath le jao

Ye karbala hai ye mojiznuma ki basti hai
kafan mein is ke lapeto hayaat le jao

Jo aaj tak na mila ho tumhe khuda ki qasam
wo aake teesri shabaa'n ki raat le jao

Kahenge matami halqo se log mehshar mein
hume husain ki jannat mein saath le jao

Hai jisme baara(12) imamo ke naam likhe hue
lahad mein saath islaamiyaat le jao

Jis Ka Nahi Ghadeer Pe Emaan Ya Ali

Jis ka nahi Ghadeer pe emaan ya Ali
Kaise my usko maano musalman ya Ali

1. Wo jo huwa tha barsare maidaan ya ali
Behroon ne bhi suna tha wo ailaan ya ali

2. Utaah wo kehke laash e Salman ya ali
Niklegi kaise aise meri jaan ya ali

3. ALLAH Sarfaraz rakhe unko ta-abad
Hum aaj jinke ghar me hai mehman ya ali

4. Dushman hai tera jo bhi wo ibne qaseer hai
Tere liye Nabi ka hai farmaan ya Ali

5. Kadmo me hai pade huwe jiske tamaam taaj
Hain aap us Hussain ke Sultan ya Ali

6. Khushbu Najaf ki aati us sar Zameen se
Jaata hu jab main Shehr e Khurasan ya Ali

7. Maidaan se bhaag jane ka jinka plan tha
Qambar ne unse le liye paaran ya Ali

8. Salman bole mimber e paalan dekh kar
Aisa kaha tha Taqt e Sulaiman ya Ali

9. Thanda kiya hai aapka dil jisne mai use
Karne Salam jaunga kashaan ya Ali

10. Kausar ki aayate teri zauja ki rukshati
Zahra hai tera Surah e Rahman ya Ali

11. Khanjar uthaye hath me qatil hai bad hawas
Mesum nahi zara bhi pareshan ya Ali

12. Adam se taba Isa hai sab hi qataar me
Rakh le hame kahi pe bhi darmaan ya Ali

13. Dosh e Rasul e Paak pe phir jalwa gar ho aap
Phir todne hai konse Bhagwaan ya Ali

Roab abbas ki ankho'n mein hai haider jaisa
Aankh bhar kar jise dekha hua patthar jaisa

Roab abbas ki aankho'n mein hai haider jaisa

1. Kehke ye haath alamdaar ne khud rok liya
hurmala tere liye kaafi hai asghar jaisa

2. Teri saqqayi ka ejaaz hai abbas e ali
paani milta hai, paani milta hai sabilo pe bhi kausar jaisa

3. Kaun maidaa'n mein hai siffeen ke ghazi ya ali
kashmakash mein hai khada malik e ashtar jaisa

4. Koi kamzarf use bhi na khuda kehde kahi'n
hu bahu chehra e abbas hai haider jaisa

5. Ungliyo'n par hi utha leta wo kaandhe ki jagah
mashk ka wazn jo hota dare khaibar jaisa

6. Ambiya bol uthe dekhke abbas ka noor
sirf haider hi bana sakta hai haider jaisa

7. Lashkar e sharr pe nazar daalke ghazi ne kaha
Haal hoga fir'aun ke lashkar jaisa

8. Lauh e mehfuz ke bhi bas mein nahi hurr ki qasam
likhte hai hazrat e abbas muqaddar jaisa

9. Hai habib ibn e mazahir ko likhe khat ka karam
likhta hai midhat e shabbir jo akbar jaisa

Abbas, abbas, abbas, abbas

Sayyada, tahera, raaziya, marziya..(2)
Wo ghar ke hukm jaha'n Fatima ke chalte hai..(2)
Tamaam kaam wahi'n se..(2)
khuda ke chalte hai...
Wo ghar ke hukm jaha'n...

Tamaam kaam wahi'n se..(2)
khuda ke chalte hai...
Wo ghar ke hukm jaha'n...

Ye kaisi raah guzar hai, ye kaun sa darr hai..(2)
Ke Mustafa bhi yaha'n sarr jhuka ke chalte hai
Wo ghar ke hukm jaha'n...

Jabee'n pe fakhr se rumaal e Sayyeda bandhe..(2)
amame walo'n me hurr muskura ke chalte hai
Wo ghar ke hukm jaha'n...

Ke jaise haath me al-maeda ka sura ho..(2)
malak yu rotiya'n teri uthake chalte hai
Wo ghar ke hukm jaha'n...

Bana na le koi duniya uthake wo mitti..(2)
yu nakhshe paa tere Haider chupa ke chalte hai
Wo ghar ke hukm jaha'n...

Ae hurr na ghabra ye karbobala ki basti hai..(2)
yaha'n pe faisle aale abaa ke chalte hai
Wo ghar ke hukm jaha'n...

Ye tere faaqo'n ka sadqa hai aye Hussain ki maa..(2)
jo ghar sukoon se ehle azaa ke chalte hai
Wo ghar ke hukm jaha'n...

Kaha ajal se takallum ne intezaar karo..(2)
sana e Fatema Zahra sunake chalte hai
Wo ghar ke hukm jaha'n...