Shia Link Nauhe: Irfan Haider (2021)

Haaye..
Ya abbas, ya abbas
Abbas.. Abbas
Ya abbas...

Ek baar sada do na, maa kehke pukarona
Ya abbas...

Waqt e rukhsat hussain ko bhai
jab alamdar ne kaha hoga
sochta hu ke roohe zahra ne
roke us waqt ye kaha hoga

{Abbas, abbas
ek baar mujhe bhi maa kehde}..(3)

1. Shabbir ko bhai tune kaha
bhai ka kiya armaa'n pura
armaan mera pura karde.. abbas
ek baar mujhe bhi maa kehde abbas..(2)

2. Aye laal mere maa hone ka
har farz nibhaya hai maine
abbas.. abbas
shabbir ke hatho se tujhko
jhula bhi jhulaya hai maine
ehsaan tera hoga mujhpe.. abbas
ek baar mujhe bhi maa kehde abbas..(2)

3. Zakhmi thi bohot phir bhi tujhse
is maa ko mohabbat thi itni
abbas.. abbas
ek haath tha mera pehlu pe
ek haath se kurta seeti thi
sab zakhm mere bhar jaenge.. abbas
ek baar mujhe bhi maa kehde abbas..(2)

4. Jis waqt gira tu ghode se
mai dekh rahi thi wo manzar
abbas.. abbas
aghosh mein tujhko rote hue
maine hi sambhala tha badhkar
kab door hui hu mai tujhse.. abbas
ek baar mujhe bhi maa kehde abbas..(2)

5. Bachcho ke liye jab dariya se
mashkiza bhara paani na piya
abbas.. abbas
sehroz ka pyaasa hokar bhi
kya khoob nibhayi tune wafa
aye tashna dahan mere pyaase.. abbas
ek baar mujhe bhi maa kehde abbas..(2)

6. Teri aankh se teer nikalu mai
tu dekhle bhai ka chehra
abbas.. abbas
ye waqt e judayi hai dil mein
hasrat na rahe koi beta
aa khoon hata du aankho'n se.. abbas
ek baar mujhe bhi maa kehde abbas..(2)

7. Khaime mein sakina pyaasi hai
ye baat tujhe tadpati hai
abbas.. abbas
is haal mein bhi tujhko haaye
zainab ki rida yaad aati hai
aa tujhko laga lu seene se.. abbas
ek baar mujhe bhi maa kehde abbas..(2)

8. Zeeshan sunaya ro ro kar
irfan e azaa ne ye nauha
abbas.. abbas
dariya ke kanare ghazi ne
maa kehte hue dum tod diya
zahra ne kaha jab ro ro ke.. abbas
ek baar mujhe bhi maa kehde abbas..(2)
Ya abbas, ya abbas
Abbas.. Abbas

Sakina ki sadaa gunji
amme janam amme jaan

maine rukhsaro pe zalim se tamache khaye
aag daaman mein lagi chin gaye dur bhi haaye
aapko meri qasam hai ye bataye mujhko
aise hota hai yateemo se sulook
haye haye..
amme, amme babayam kujaast?
amme babayam kujaast?

dukhtar e shahe shahida ne tadapkar ye kaha
chin gayi sar se rida, khaimo me kuch bhi na raha
wawaila.. wawaila
aise aalam me apne baba ko dhundhu mai kaha'n
amme babayam kujaast?..(4)
amme babayam kujaast?..(4)

1. Shiddate ghum se na marjau sare dasht e bala
har taraf laashe hi laashe hai kaha jau bhala
wawaila.. wawaila
mere baba hai jaha'n mujhko bhi le jao waha'n
amme babayam kujaast?..(8)

2. Wo jo soyi na kabhi baba ke seene ke siwa
usko ek khaak ke bistar pe bhi sone na diya
wawaila.. wawaila
taziyano se jagate hai sitamgar yaha
amme babayam kujaast?..(8)

3. Haaye baba ne bade naazo se paala hai mujhe
aur yaha shimr ne durro se bhi maara hai mujhe
wawaila.. wawaila
apne baba ko dikhaungi ye zakhmo ke nishaa'n
amme babayam kujaast?..(8)

4. Mujhse kyu rooth gaye baba thi kya meri khata
kaash hojati mai asghar ki tarah unpe fida
wawaila.. wawaila
rodiye ehle haram sunke ye bachhi ka bayaa'n
amme babayam kujaast?..(8)

5. Aayi jab gyara moharram ki sahar wa ghurbata
qafila aale mohammad ka sue shaam chala
wawaila.. wawaila
ek shehzadi thi roro ke jo karti thi fughaa'n
amme babayam kujaast?..(8)

6. Aable paao me the aur gale mein thi rasan
kitni lachar thi pardes mein akbar ki bahan
wawaila.. wawaila
qaidkhane mein bhi rehti thi yuhi nauha kunaa
amme babayam kujaast?..(8)

7. Haaye sajjad ne aye akhtar o irfan e azaa
apni hamsheer ko dafnate hue di ye sadaa
wawaila.. wawaila
khoon kano se sakina ke abhi tak hai rawaa'n
amme babayam kujaast?..(8)

Hayya alaa khairil amal..

Ya hussain, ya hussain, ya hussain..(2)

Haye zainab veer di maut diyaa'n
ghadiya ghadendi reh gayi

nap ke dar khaime da haye
nap ke dar khaime da
takda marendi reh gayi

Haye zainab veer di maut diyaa'n
ghadiya ghadendi reh gayi

1. Na hussain ku maari waastayi
kalli bhenni da ye aasraayi
veer de qatil ku..(2)
o minnata karendi reh gayi

Ae kon ae, enda naa kya ae
ae sawal yazid karenda je
bibi zainab rondi reh gayi

uth uthke mimbar to..(2)
aye cha ungal ishare denda je

Ae kon ae, enda naa kya ae
ae sawal yazid karenda je
bibi zainab rondi reh gayi

2. {Ae shahi nahi tere babe di
hunn qaidan ban ke aayi hai}..(2)
kithe veer abbas hai veer..(2)
o anje beghairat jhidkenda je
bibi zainab rondi reh gayi

qaidi ghin aao.. qaidi ghin aao..(2)

tusaa eewein istaqbal karo
rang poshakaa'n de laal karo
wad khoob bazaar sajake

qaidi ghin aao.. qaidi ghin aao..(2)

3. {De wo tohfe sheher de wasdiya ku
milo gal naal laa ke lokaa ku}..(2)
har ghar te mashal jalao
din eid de waang manao
bhadkeele kapde paake

qaidi ghin aao.. qaidi ghin aao..(2)

{Pardesi haa allah raasi haa
koi madad ku aao haa}..(2)
mendi maa zahra di paak rida..(2)
koi lut tu bachao haa
koi madad ku aao haa
Pardesi haa allah raasi haa
koi madad ku aao haa

4. {Meda ghazi veeran tur gaya hae
na akbar hai na qasim hai}..(2)
kalla reh gaya haa pardes de vich..(2)
aswaar karao haa

koi mada ku aao haa

haye haye zainab haye haye shaam

meri chadar lut layi zalim ne
darbar gayi mai baanjh rida
haye haye zainab haye haye shaam..(2)

durr le gaye senn sakina de
ao kendi rahi baba baba
haye haye zainab haye haye shaam..(2)

roya khoon muhari us wele
jaddo aayi nazar aono shaam di raah

Zainab.

Sakina... Sakina... Sakinaa....
Qafla shaam ke zindaa'n se jab
nikla reha hokar
kaha Sajjad ne rokar
kaha Sajjad ne rokar
ke jab jab saans aayegi
sakina yaad aayegi..

sakina yaad aayegi..(2)
sakina yaad aayegi..(2)

1. Na de paaya use paani
yehi bus ek udasi hai
sakina kal bhi pyasi thi
sakina ab bhi pyasi hai
ke jab sughra madine mein
mujhe pani pilayegi
sakina yaad aayegi..

sakina yaad aayegi..(4)

2. Hamesha shimr ke darr se
mere humraah rehti thi
tamacha jab bhi lagta tha
mujhe awaaz deti thi
musibat shaam ki haye..(2)
mujhe jab bhi rulayegi
sakina yaad aayegi..

sakina yaad aayegi..(4)

3. Shab e ghurbat mein asghar ki
use jab yaad aati thi
jale jhule ke paas aakar
wo ashko ko bahati thi
ali asghar ke jhule par..(2)
nazar jab meri jayegi
sakina yaad aayegi..

sakina yaad aayegi..(4)

4. Ye rokar shaam walo se
kaha sajjad ne sunlo
kabhi na maarna durre
kisi masoom bachi ko
ke jab nanhe se hatho se..(2)
wo gaalo ko chupayegi
sakina yaad aayegi..

sakina yaad aayegi..(4)

5. Padar ko yaad karti thi
andhei qaid mein rehke
sakina mar gayi akhir
lipat kar baap ke sar se
kahani jab ye sughra ko..(2)
koi bibi sunayegi
sakina yaad aayegi..

sakina yaad aayegi..(4)

6. Bandhe the haath bachhi ke
gale mein thi rasan haye
badi mazloom thi
pardes mein meri behen haye
musibat chaar sala ki..(2)
mujhe har pal rulayegi
sakina yaad aayegi..

sakina yaad aayegi..(4)

7. Ijazat dengi shehzadi
wo din bhi jald aayega
bulawa aayega
zeeshan o irfan e azaa sabka
yateema ke haram par jab..(2)
nazar zaer ki jayegi
sakina yaad aayegi..

sakina yaad aayegi..(4)

Ya Hussain...
Hussain... Hussain.. Hussain

Hussain Ya Hussain
Hussain Ya Hussain

Maulana Hussaina
Maulana Hussaina
Maulana Hussaina

Sadqa..
Sadqa Ali Akbar ka ataa kijiye maula
Sadqa..
Sadqa Ali Akbar ka..

Hai khushnaseeb..
Hai khushnaseeb tere azadar ya hussain
Ya hussain, Ya hussain
Rehte hai tere ishq mein sarshar ya hussain
Ya hussain, Ya hussain
Dast e dua baland hai sarkar ya hussain
Hai do jaha'n ke malik o mukhtar ya hussain
Farsh e hussainiyat ke ujalo ki khayr ho

Maula..
Maula tumhare chahne walo ki khayr ho
Aye badshah e karbala
qubool kijiye dua

Salamat rahe ye azadari, salamat rahe ye azadar..(2)

1. Ishq tera sab se juda, zinda rahe naam tera
Aba abdillah ya..
Aba abdillah ya..
Aba abdillah
Hai kareem e karbala hussain..
Haan..
Tera ye ghum, hoga na kam
aaj bhi dilo pe tera raaj hai
tu hai sakhi ibn e sakhi
hurr ko bakhsh na tera mizaaj hai
aye badshah e karbala..
qubool kijiye dua

Salamat rahe ye azadari, salamat rahe ye azadar..(2)

2. Wird e zaba'n hai ye sukhan
karbobala mera watan
Aba abdillah ya..
Aba abdillah ya..
Aba abdillah
Zindabad arz e karbala
Haan..
Tujhsa haseen koi nahi
noori qafele rawa dawa'n rahe
sue haram jaaye jo hum
sayyeda ke zere sayebaa'n rahe
aye badshah e karbala..
qubool kijiye dua

Salamat rahe ye azadari, salamat rahe ye azadar..(2)

3. Bint e wali Ibn e Ali, Ya'ni hussain ibn e Ali
Aba abdillah ya..
Aba abdillah ya..
Aba abdillah
Rabbi zidna hubba lil hussain
Haan..
nas aluhu, nazkuru kum
marhaba hussain, marhaba hussain
Salle alaa, salle alaa
tujhpe sad hazaar martaba hussain
aye badshah e karbala..
qubool kijiye dua

hussain hussain jaan
hussain hussain jaan
yabn az zahra hussain
hussain hussain jaan

hussain ya hussain, hussain
hussain ya hussain, hussain
hussain ya hussain, ya hussain ya hussain

Hussainiyo...
hussainiyo meri awaaz se awaaz milakar ye kaho

Shah ast hussain..(2)
Badshah ast hussain..(2)
Dee'n ast hussain
Dee'n pana ast hussain
sar daad na daad
dast e dar dast e yazeed
haqqaq e bina e la ilah ast hussain

hussain ya hussain, hussain
hussain ya hussain, hussain
hussain ya hussain, ya hussain ya hussain

4. Haan..
Bhoole nahi aaj bhi hum, dosh e nabi tere qadam
Aba abdillah ya..
Aba abdillah ya..
Aba abdillah
Dil ye tera ghar hai ya hussain
Haan..
Tujhpe fida arz o samaa
tu hi jism o jaan e kaynaat hai
shah e umam, teri qasam
mehwar e hayat teri zaat hai
aye badshah e karbala..
qubool kijiye dua

Salamat rahe ye azadari, salamat rahe ye azadar..(2)

Hussain walo..
Aao, Aao ek ahad kare
Aao ek ahad kare..(2)
apne maula se wafadar rahenge wallah
misle hurr sahib e qirdar rahenge wallah
kuch bhi hojaene azadar rahenge wallah
duniya soti rahe bedaar rahenge wallah
matam e shah ki tash'heer nahi chodenge
daman e hazrat e shabbeer nahi chodenge

tumse waada ye raha, aye ghareeb e zahra
jis tarha tumne hume yaad rakha
hum bhi tumko nahi bhulenge sadaa

hussain ya hussain, hussain
hussain ya hussain, hussain
hussain ya hussain, ya hussain ya hussain

5. Haan..
Jisne tera naam liya, tune use thaam liya
Aba abdillah ya..
Aba abdillah ya..
Aba abdillah
Ya man ismuhu dawaa hussain
haan..
Ehle azaa ki hai dua
jo mareez hai unhe mile shifa
lauhe dilam par hai raqam
jisko tu mila use khuda mila
aye badshah e karbala..
qubool kijiye dua

Salamat rahe ye azadari, salamat rahe ye azadar..(2)

Maula maula, maula maula
Maula sunle ye dua
Maula sunle ye dua..(3)

Yaa Hussain..
Yaa Hussain

Maula...
Mere maula tujhe khoon e ali asghar ki qasam
akbar o qasim o abbas e dilawar ki qasam
shaam ki raho mein zainab ke khule sar ki qasam
har tamache pe jo royi usi dukhtar ki qasam
ilteja karte hai ye, karo irfan e azaa
matam e hazrat e shabbeer kabhi na ho qaza

Ya hussain

Haye Ali akbar..(2)
Haye Ali akbar..(2)

Ek shor hai...
Ek taraf zaeefi hai..
Ek taraf jawani hai..
Haye,
Ek baap ne bete ki ab laash uthani hai
Maula.. Maula.. Maula..

Maula, Maula
Maula, Maula

Zakhmi hai bohot akbar
Maula, Maula
Zakhmi hai bohot akbar
Maula, Maula

1. Haye,
Zakhmi hai bohot gesuo wala na uthega
tanha ali akbar ka janaza na uthega
Abbas ko dariya se bula lijiye maula
Zakhmi hai bohot akbar
Maula, Maula

2. Haye,
Akbar ke kaleje mein sina toot gayi hai
yaa shah e zama'n aap se bas arz yahi hai
Seene se nigaho ko hata lijiye maula
Zakhmi hai bohot akbar
Maula, Maula

3. Ghar mein to jawa'n laash ko le jana padega
ek aur ali aap ki imdaad karega
sajjad jo ghash mein hai, jaga lijiye maula
Zakhmi hai bohot akbar
Maula, Maula

4. Haye,
Sar peet-ti khaime se nikal aayengi woh bhi
marta ise dekhengi to mar jaegi wo bhi
is zakhm ko zainab se chupa lijiye maula
Zakhmi hai bohot akbar
Maula, Maula

5. Haye,
Wazni hai ye laasha dare khaibar se zyaada
quwat yaha'n darkaar hai, haider se zyaada
Ya Zahra kahe aur, utha lijiye maula
Zakhmi hai bohot akbar
Maula, Maula

6. Haye,
Beta ye hasee'n aapka, zahra ka gule tarr
hota hai juda aapse, humshakl e payaambar
ek baar kaleje se, laga lijiye maula
Zakhmi hai bohot akbar
Maula, Maula

7. Haye,
Irfan o raza hai yahi, is dil ki tamanna
mimbar pe haram ke padhe, akbar ka ye nauha
roze pe hume firse, bula lijiye maula
Zakhmi hai bohot akbar
Maula, Maula