Shia Link Nauhe: Shahid Baltistani (2017)

Allah, allah allah..(6)
Yu akhri hussain ne sajda adaa kiya..(2)
jalti hui zamee'n ko..(2)
mo'alla bana diya
Yu akhri hussain ne sajda adaa kiya..(2)

1. Laashe jawa'n thi saamne ibne batool ke
seene se jo hata nahi akbar ke baad se
wo haath kaanpta hua takbeer ko utha

2. Takbeer sunke laasha e akbar tadap gaya
tharra rahe the zauf se maula ke dast o paa
zakhmo se sheh ke aati thi al-hamd ki sadaa

3. Thi ghurbat e hussain par nabiyo ki bhi nazar
tuti kamar thi gham mein alamdaar ke magar
tha haalat e qayaam mein zahra ka laadla

4. Rote the is khayal se maula qayaam mein
na mehramo ki bheed mein darbar e shaam mein
zainab khadi rahegi bhala kaise berida

5. Yaad aagaya ruku mein beemar ka safar
zainab ki beridayi ke ghum mein jhukaye sar
darbaar tak ruku mein sajjad jayega

6. Masjid mein reh gaya tha jo ek sajda e ali
maqtal mein ibne zahra ne wo sajda aakhri
fuzto be rabbe kaabe ki tareekh mein kiya

7. Aayi jo aasmaan se awaaz e irji'ee
zainab ke sar se chadar e tatheer gir gayi
sajde me sar tha shaah ka khanjar gale pe tha

Haaye
Aye behen zainab - 4

Shabe aashur ye shabbir ne kaha zaynab se
Aye behen zaynab aye behen zaynab

Bhai ki laash pe maqtal me jo aana zaynab - 2
Ho sake to - 2 meri bacchi ko na laana zaynab

Bhai ki laash pe maqtal me jo aana zaynab - 2

1. Baap se beti to maa bete se hoti hai qareeb
Maa ko mazloomi sunayega tumhari ye gareeb
Tum garibi meri baba ko sunana zaynab

2. Kalse baagi ki behen tumko kaha jaayega
Taaziyano se tumhe pursa diya jaayega
Badle lega mere tumse ye zamana zaynab

3. Raat me uthte hai is dar ke janaze bibi
Sar se chadar jo chhini tum bhi to mar jaaogi
Tum andhere me mere laashe pe aana zaynab

4. Haaye shimr jis waqt chalaye meri gardan pe churi
Zibha hote hue baba ko na dekhe beti
Dare khayma se sakina ko hatana zaynab

5. Kahi abbas na sunle meri baate ye behen
Haath wo chumlu bandh jaayegi kal jinme rasan
Zara kuch der charago ko bujana zaynab

6. Pura abbas ki madar ka ho arman behen
Paani pyaso ko jo pilwaogi tum jaake watan
Sakka abbas ke bete ko banana zaynab

7. Ek ehsan ye karna aye mere baba ki jaan
Is baras aaye madine me jo gyara shaban
Farshe majlis ali akbar ka bichana zaynab

8. Haayee shabe ashur ki majlis thi takallum jaari
Chup hue kehke ye shabbir behen se apni
Tumko bazar me beparda hai jana zaynab

Haaye, haaye
hussain, hussain
mazloom hussain
Hussain

O the son of Mohammad(pbuh)
O the son of Ali(a.s.)
O the love of Fatimah(s.a.)
O the love of Fatimah(s.a.)

Ya ghareeb e karbala(O the lonely one of Karbala)..(5)

Savior of humanity
Axis of equality
Source of spirituality
Symbol of purity
O hussain you are the will of God
Strike on brutality
Ya ghareeb e karbala(O the lonely one of Karbala)..(5)

O the love of Almighty
Victim of brutality
To revive morality
sacrificed your family
By the side of flowing river..(2)
O Hussain you died thirsty
Ya ghareeb e karbala(O the lonely one of Karbala)..(5)

Your blood spilled in opression
your kids faced aggression
O Hussain you stood for love
O Hussain you stood for peace
O Hussain you spread justice
O the ship of salvation
Ya ghareeb e karbala(O the lonely one of Karbala)..(5)

Ya hussain, ya hussain Mazloom..

Haye asghar, haye asghar..(4)
maa ye maqtal mein roke kehti thi
noke naiza pe hai mera asghar

qabr se aagaya hai naize par
qadd tera itna badh gaya asghar

1. Aye mere cheh mahine wale ali
laaj rakhli hai tune madar ki..(2)
ab na roungi tujhko paala hai
tu jo maqtal mein has diya asghar
maa ye maqtal....

2. Apni ankho'n se mai lagati unhe
tere qadmo ke jo nishaa'n hote..(2)
maa ko armaan reh gaya dil mein
ghutniyo bhi nahi chala asghar
maa ye maqtal....

3. Tu to bus cheh mahine wala tha
uska akbar jawaan beta tha..(2)
samne maine umme laila ke
tera pursa nahi liya asghar
maa ye maqtal....

4. Bibiyo'n dekho mere bachhe ko
karliya band isne aankho'n ko..(2)
maa ko na mehramo ke majme mein
kaise dekhega berida asghar
maa ye maqtal....

5. Jaan ye soch kar nikalti hai
tune aye laal cheh mahino mein..(2)
itna paani nahi piya hoga
tune jitna ugal diya asghar
maa ye maqtal....

6. Jaake jannat mein aye mere beta
tum to mohsin ke saath kheloge..(2)
maa sakina ko kya dilasa de
kisse khelegi wo bhala asghar
maa ye maqtal....

7. Leke nanhe se sar ko godi mein
maa takallum ye roke kehti thi..(2)
ab to ankho'n ko khol de beta
mil gayi hai mujhe rida asghar
maa ye maqtal....

Haye sakina haye sakina - 2

Haaye mazluma haye sakina
Haye masuma haye sakina

Haaye sakina
Paani masuma me maanga to tamache khaaye - 2

Paani masuma ne maanga to tamache khaaye - 2
Roke baba ko bulaya to tamache khaaye

1. Chinne aaya jo zainab ki rida bacchi ne - 2
Shimr ko rokna chaha to tamache khaaye

2. Jalte khayme se nikalte hue shehzadi ne - 2
Raasta pucha najaf ka to tamache khaaye

3. Dhundti thi wo tamacho ki shikayat ke liye - 2
Mil gaya baap ka laasha to tamache khaaye

4. Gir gayi thi wo kahi chalte hue naake se - 2
Shimr jab dhund ke laaya to tamache khaaye

5. Apne chehro ko tamacho se bachane ke liye - 2
Nanhe haatho se chupaya to tamache khaaye

6. Ye to accha hi hua dil me kaha karti thi - 2
Naa rahe jab mere baba to tamache khaaye

7. Khaaye zainab ne kayi durre bhatije ke liye - 2
Isne baqir ko bachaya to tamache khaaye

8. Kufao shaam ke bazaro me chalte chalte - 2
Thak ke baythi jo sakina to tamache khaaye

9. Mir sajjad sakina bhi hai zahra ki tarha - 2
Ho gayi jab ye yateema to tamache khaaye

Ya fatema zehra - 5

Kiya hai wada jo zehra se wo nibhana hai - 2

Ke jaan jaye to jaaye - 2 ke ghar jale to jale

Kiya hai wada jo zehra se wo nibhana hai - 2

1. Ham apne baccho ko lekar chalenge sholo per - 2
Chalenge sholo per
Zamana aag ke maatam se ab jale to jale

2. In aansuo ki kharidar hai hussain ki maa - 2
Hai hussain ki maa
Hamare rone pe duniya agar hase to hase

3. Juloos ruk nahi sakta kisi bhi keemat per - 2
Kisi bhi keemat per
Hamari saaso ka chahe safar ruke to ruke

4. Misaal hur ki hai maujood har bashar ke liye - 2
Har bashar ke liye
Jo hurmala ke qabile me ab rahe to rahe

5. Kisi yazeed ke aage wo jhuk nahi sakta - 2
jhuk nahi sakta
Hussainiyat ki baqa me ye sar kate to kate

6. Kahi na jaayenge maula ko chhodkar ansaar - 2
Chhodkar ansaar
Charage khayma jale to jale buje to buje

7. Lahad ki zahra pe ummul baneen ne ki thi dua - 2
Bas yahi thi dua
Tumhara ghar na lute mera ghar lute to lute

8. Dua ye karti thi zaynab hussain bach jaaye - 2
Hussain bach jaaye
Gale pe beto ke mere churi phire to phire

9. Karenge sajda ye aansu hussain ke dar per - 2
Hussain ke dar per
Kisi ko meer takallum bura lage to lage